థియేటర్లో సినిమా చూస్తుంటే కాల్చిపారేశాడు
లూసియానా: అందరూ హాయిగా సినిమా చూస్తున్న సమయంలో దుండగుడు (58) రెచ్చిపోయి కాల్పులు జరపడంతో ఇద్దరు మరణించారు. తరువాత దుండగుడు తనను తాను కాల్పుచుకుని ఆత్మహత్య చేసుకున్నాడు. ఈ సంఘటన లూసియానాలో జరిగింది.
లూసియానా లోని లాఫాయెట్ నగరంలో గ్రాండ్ థియేటర్ ఉంది. బుధవారం రాత్రి సినిమా ప్రారంభం అయిన 20 నిమిషాల తరువాత ఒక దుండగుడు తుపాకి తీసుకుని విచక్షణరహితంగా కాల్పులు జరిపాడు. తరువాత తనను తాను కాల్పుకున్నాడు.
ఈ దాడిలో దుండగుడితో పాటు ముగ్గురు మరణించారు. 7 మందికి తీవ్రగాయాలు కావడంతో ఆసుపత్రికి తరలించామని ఆపరేషన్స్ ఫర్ అకాడియన్ అంబులెన్స్ ఉపాధ్యక్షుడు క్లే హెన్రీ తెలిపారు. అయితే కాల్పులు ఎందుకు జరిపాడనేది తెలియడం లేదని పోలీసులు అన్నారు.
సినిమా హాల్ లో జరిగిన కాల్పులలో గాయాలైన బాధితులు ఆసుపత్రిలో చికిత్స పొందుతున్నారని పోలీసు అధికారులు తెలిపారు. సినిమా చూస్తున్న వారు మందు గుండు పేలి ఉంటుందని మొదట భావించారని స్థానిక మీడియా వెల్లడించింది. లూసియానా గవర్నర్ బాబి జిందాల్ ఆసుపత్రిలో బాధితులను పరామర్శించారు.