పెంగ్విన్స్ 'ప్రేమ' ఫైట్ : రక్తం కారేదాక కొట్టేసుకున్నాయి (వీడియో)

అమెరికా : ఓ అమ్మాయి కోసం ఇద్దరు అబ్బాయిలు గొడవపడడం చూసే ఉంటాం. మనసుపడ్డ అమ్మాయిపై మరొకరు కన్నేస్తే.. యుద్దం జరిగినంత పనయ్యే ఘటనలు కూడా చూసుంటాం. అయితే ఇది ఒక మనిషి జాతికే పరిమితం కాలేదు. ఈ భూమి మీదున్న సమస్త జీవరాశుల్లోను ఇలాంటి ప్రవర్తనే కనిపిస్తుందన్న ఆనవాళ్లు బయటపడుతున్నాయి.

తాజాగా నేషనల్ జియోగ్రఫీ బయటపెట్టిన ఓ వీడియోలో ఇదే విషయం తేట తెల్లమైంది. తనతో సన్నిహితంగా మెలిగే పెంగ్విన్.. మరో పెంగ్విన్ తో సన్నిహితంగా ఉండడం చూసి తట్టుకోలేకపోయింది ఓ మగ పెంగ్విన్. తన ప్రేయసి పెంగ్విన్ ను బుట్టలో వేసుకున్న సదరు పెంగ్విన్ పై దాడికి దిగింది.

అలా.. ఆ రెండు పెంగ్విన్ లు ఓ ఆడ పెంగ్విన్ కోసం రక్తం కారేదాక కొట్టుకున్నాయి. ప్రస్తుతం దీనికి సంబంధించిన వీడియో యూట్యూబ్ లో వైరల్ గా మారిపోయింది. మొత్తానికి మనుషుల్లోనే కాదు, పక్షి జాతుల్లోను ప్రేమ పంచాయితీలు ఉంటాయని దీనితో తేలిపోయింది.

English summary

a husband penguin goes out to fetch his penguin wife a nice fish dinner only to come back and see her in their nest with another peng-man. Oh, no she didn't! Chaos ensues as the fight for dominance and love breaks