• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

విమానసంస్థ నిర్లక్ష్యం.. కునుకుతీసిన మహిళ.. కళ్లు తెరిచిచూస్తే 50 అడుగుల ఎత్తులో.

|

మోన్‌ట్రియాల్ : ఎయిర్ కెనడా ఫ్లైట్‌లో ప్రయాణించిన ఓ లేడీ ప్యాసింజర్‌కు భయంకరమైన అనుభవం ఎదురైంది. ప్రయాణంలో నిద్రపోయిన మహిళను విమాన సిబ్బంది పట్టించుకోకపోవడంతో ఫ్లైట్‌లోనే ఉండిపోయింది. కాసేపటికి నిద్ర మేల్కొన్న సదరు మహిళ చుట్టూ చీకటిగా ఉండటంతో మొదట తాను ఎక్కడుందో తెలియక కంగారు పడింది. చివరకు ఓ టార్చ్ సాయంతో బయటపడింది.

వామ్మో .. బహిరంగ ప్రదేశాల్లోనూ వేధింపులు ... వెలుగులోకి ట్రంప్ లీలలు

ఫ్లైట్‌లో నిద్రపోయిన ప్యాసింజర్

ఫ్లైట్‌లో నిద్రపోయిన ప్యాసింజర్

ఈ నెల 9న టిఫానీ ఆడమ్స్ అనే మహిళ ఎయిర్ కెనడా ఫ్లైట్‌లో క్యూబెక్ నుంచి టొరంటోకు బయలుదేరింది. గంటన్నర జర్నీ కావడంతో కాసేపు కునుకు తీయాలని భావించింది. నిద్ర మేల్కొ ని చూసిన ఆమెకు విమానంలో ఎవరూ కనిపించలేదు. విమానం ల్యాండ్ కాగానే మిగతా ప్రయాణీకులతో పాటు ఎయిర్‌లైన్స్ సిబ్బంది కూడా దిగి వెళ్లి పోయారు. ఎవరూ ఆమెను గమనించి నిద్ర లేపలేదు. దీంతో టిఫానీ ఒక్కరే ఫ్లైట్‌లో ఉండిపోయారు. లోపలంతా చిమ్మ చీకటిగా ఉండటంతో కంగారు పడ్డ టిఫానీకి ఏం చేయాలో అర్థం కాలేదు. ఎవరికైనా ఫోన్ చేసి విషయం చెప్పేందుకు ప్రయత్నించినా మొబైల్‌లో ఛార్జింగ్ లేకపోవడంతో సాధ్యం కాలేదు

టార్చ్ సాయంతో బయటపడి

టార్చ్ సాయంతో బయటపడి

భయంతో వణికిపోయిన టిఫానీ కాసేపటికి ధైర్యం కూడగట్టుకుని ఫ్లైట్ కాక్‌పిట్‌లోకి వెళ్లింది. అక్కడ ఓ టార్చ్‌లైట్ దొరకడంతో విమానం మెయిన్ డోర్ వద్దకు చేరుకుని కష్టపడి దాన్ని ఓపెన్ చేసింది. భూమికి 50 అడుగుల ఎత్తులో ఉండటంతో కిందకు ఎలా దిగాలో టిఫానీకి అర్థం కాలేదు. డోర్ వద్దనే కూర్చొని టార్చ్ లైట్‌తో ఎయిర్‌పోర్ట్ వైపు సిగ్నల్స్ ఇచ్చింది. కాసేపటికి ఆమె నిరీక్షణ ఫలించింది. టార్చ్‌లైట్ వెలుగును గమనించిన ఎయిర్‌పోర్ట్ ఉద్యోగి ఒకరు అక్కడకు వచ్చి ఆమెను కిందకు దించారు. అనంతరం టిఫానీని ఎయిర్ కెనడా అధికారులతో మాట్లాడించారు.

సోషల్ మీడియాలో వైరల్

సోషల్ మీడియాలో వైరల్

పీడ కలలాంటి ఈ ఘటనను టిఫానీ తన స్నేహితురాలితో చెప్పింది. ఆమె ఈ ఉదంతాన్ని ఎయిర్ కెనడా ఫేస్‌బుక్ పేజీలో పోస్ట్ చేసింది. దీంతో విషయం కాస్తా బయటకు వచ్చి వైరల్‌గా మారింది. పోస్ట్ చూసిన పలువురు నెటిజన్లు ఎయిర్ కెనడాపై విమర్శల వర్షం కురిపిస్తున్నారు. దీంతో ఎయిర్ కెనడా సైతం క్షమాపణ చెప్పింది. టిఫానీని పూర్తి వివరాలు కోరింది. దాని ఆధారంగా దర్యాప్తు జరిపి బాధ్యులపై చర్య తీసుకుంటామని ప్రకటించింది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
A woman boarded an Air Canada flight , fell asleep after takeoff and woke up alone in a dark, parked plane, apparently forgotten about by ground staff. Tiffani Adams's story was posted by a friend on Air Canada's Facebook page, drawing incredulous reactions from readers and a request for details from the airline.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more