ట్రంప్తో.. నిక్కీ హేలీకి అఫైర్!? ‘ఫైర్ అండ్ ఫ్యూరీ’తో వెలుగులోకి.. ఖండించిన హేలీ
అమెరికా అధ్యక్షుడు డొనాల్డ్ ట్రంప్ గురించి మరో వదంతి గుప్పుమంది. ఐక్యరాజ్య సమితిలో ఆ దేశ రాయబారి నిక్కీ హేలీ(46)తో ట్రంప్ అఫైర్ కొనసాగిస్తున్నట్లు వదంతులు వినిపిస్తున్నాయి.
వాషింగ్టన్: అమెరికా అధ్యక్షుడు డొనాల్డ్ ట్రంప్ గురించి మరో వదంతి గుప్పుమంది. ఐక్యరాజ్య సమితిలో ఆ దేశ రాయబారి నిక్కీ హేలీ(46)తో ట్రంప్ అఫైర్ కొనసాగిస్తున్నట్లు వదంతులు వినిపిస్తున్నాయి.
ట్రంప్ తన ఎయిర్ఫోర్స్ వన్ విమానంలో హేలీతో చాలాసేపు గడుపుతున్నారట. అయితే ఈ వదంతులను నిక్కీ హేలీ తీవ్రంగా ఖండించారు. విజయవంతమైన ఓ మహిళపై ఇలాంటి వదంతులు పుట్టుకురావడం అసహ్యకరమని ఆమె వ్యాఖ్యానించారు.
ఇంతకీ ఈ వదంతి ఎలా పుట్టుకొచ్చిందంటే.. ఇటీవల శ్వేతసౌధంలో అమెరికా అధ్యక్షుడు డొనాల్డ్ ట్రంప్ వ్యవహార తీరుపై రచయిత ఓ పుస్తకం రాశారు. 'ఫైర్ అండ్ ప్యూరీ' పేరుతో విడుదలైన ఈ పుస్తకం అమెరికాలో సృష్టించిన సంచలనం అంతా ఇంతా కాదు.
ఈ పుస్తకంలోనే ట్రంప్, నిక్కీ హేలీల మద్య ఉన్న సంబంధం గురించి కూడా రచయితన మైఖేల్ వుల్ఫ్ ప్రస్తావించారు. అయితే నిక్కీ హేలీ మాత్రం ఈ వ్యాఖ్యలను తీవ్ర స్థాయిలో ఖండించింది. తానెప్పుడూ అధ్యక్షుడు ట్రంప్తో తన భవిష్యత్తు గురించి చర్చించలేదనీ, ఆయనతో ఒంటరిగా గడపనేలేదని ఆమె స్పష్టం చేశారు.