బ్రెజిల్లో మరో కొత్త రకం వేరియంట్..వదిలిపెట్టని కరోనా, వణికిపోతున్న జనం
ప్రపంచవ్యాప్తంగా కరోనా వ్యాక్సినేషన్ కార్యక్రమం కొనసాగుతున్నా కరోనా మహమ్మారి మాత్రం ప్రపంచాన్ని వణికిస్తూనే ఉంది . యూకేలో ఇప్పటికే ఒక కొత్త వేరియంట్ కరోనా వైరస్ వ్యాప్తి చెబుతుండగా, ఇప్పుడు ఇంకొక కొత్త వేరియంట్ కరోనావైరస్ యొక్క 16 కేసులను శాస్త్రవేత్తలు గుర్తించారు.పబ్లిక్ హెల్త్ ఇంగ్లాండ్ దీనిని 'వేరియంట్ అండర్ ఇన్వెస్టిగేషన్' (వియుఐ) గా పేర్కొంది, అంటే ఇది వారి వాచ్ జాబితాలో ఉంది అని అర్థమవుతుంది. ఇది దక్షిణాఫ్రికా మరియు బ్రెజిల్ వేరియంట్లతో సమానంగా మరో కొత్త మ్యుటేషన్ను కలిగి ఉంది.
Recommended Video
బ్రెజిల్ లో కరోనా మరణ మృదంగం .. కొత్త వేరియంట్ లతో తిప్పలు
వరల్డ్ మీటరు ప్రకారం బ్రెజిల్లో 2,59,402 మంది ఇప్పటివరకు కరోనా కారణంగా ప్రాణాలు వదిలారు. మొదటి నుంచి బ్రెజిల్ కరోనాను నియంత్రించడంలో పలు ఇబ్బందులను ఎదుర్కొంటూనే ఉంది. వైరస్ ను నిర్లక్ష్యం చేసి నిపుణుల సూచనలు ఖాతరు చేయకపోవడంతో ఆ దేశ అధ్యక్షుడు జెయిల్ బోల్సోనారో కూడా తీవ్ర విమర్శలను ఎదుర్కొన్నారు. అమెజాన్ రెయిన్ ఫారెస్ట్ లో ఉద్భవించిన పీ1 అనే కొత్త వేరియంట్ కూడా బ్రెజిల్ లో తాజా ముప్పుకు కారణమని నిపుణులు అంటున్నారు.
మరో కొత్త వేరియంట్ ను గుర్తించిన యూకే నిఘా వ్యవస్థ .. యూకే వాచ్ జాబితాలో 8 వేరియంట్లు
ఇక తాజాగా మరో కొత్త వేరియంట్ కేసులను మొట్టమొదట ఫిబ్రవరి 15 న యూకే యొక్క వేరియంట్ నిఘా వ్యవస్థ గుర్తించింది. ఇది యూకేలో ఉద్భవించిందని నిపుణులు అనుమానిస్తున్నారు. పాజిటివ్ పరీక్షించిన మొత్తం 16 మంది వ్యక్తులు మరియు వారి పరిచయాలను గుర్తించి, వేరుచేయమని వారు సలహా ఇచ్చారు .
అయితే ఈ కేసులు భౌగోళికంగా యూకే అంతటా వ్యాపించాయని పీహెచ్ఈ తెలిపింది. యూ కె ఇప్పుడు దాని వాచ్ జాబితాలో 8 వేరియంట్లను కలిగి ఉంది . 4వీయూఐలు మరియు 4 వీఓసి రకాలపై ప్రస్తుతం అధ్యయనం చేస్తుంది.
బ్రెజిల్ లో కొత్త వేరియంట్ కోసం కొనసాగుతున్న హంట్
ఇక బ్రెజిల్ లో కొత్త వేరియంట్ కోసం హంట్ కొనసాగుతుంది. ఇటీవల, బ్రెజిల్ వేరియంట్ బారిన పడిన ఇంగ్లాండ్లో ఉన్న వ్యక్తిని గుర్తించడానికి అధికారులు ప్రయత్నిస్తున్నారు.గుర్తించబడని వేరియంట్ సోకిన వ్యక్తి పరీక్షా కిట్ను ఉపయోగించాడు కాని వారి సంప్రదింపు వివరాలను సరిగ్గా ఇవ్వకపోవడంతో ఆ వ్యక్తిని గుర్తించడం కష్టంగా మారింది. ఆరోగ్య కార్యదర్శి మాట్ హాన్కాక్ మాట్లాడుతూ ఇలాంటి సంఘటనలు చాలా అరుదు మరియు కేవలం 0.1% పరీక్షలలో మాత్రమే జరుగుతాయని పేర్కొన్నారు. కరోనా వైరస్ లో వైవిధ్యాలు కనిపిస్తున్నాయని, వైరస్ మారుతూనే ఉంటుందని, అది ఊహించనిది కాదని పేర్కొన్నారు. మొత్తానికి ఇప్పుడు మరో కొత్త కరోనా వేరియంట్ తో బ్రెజిల్ వణికిపోతుంది.