గాల్లో విమానం: పైలట్లని రెచ్చగొట్టిన నటి, సెల్ఫీతో ఔట్
బ్యూనస్ ఎయిర్స్: ప్రయాణీకులతో కూడిన విమానం గాలిలో ఉన్నప్పుడు ఇద్దరు పైలట్లు ఓ స్టార్ నటితో కేబిన్లో సెల్ఫీ తీసుకున్నారు. దీంతో వారు ఆగ్రహానికి గురి కావాల్సి వచ్చింది. డ్యాన్సర్, నటి అయిన విక్కీ జిపోలిటాకిస్ పైలట్లతో తాను తీసుకున్న సెల్ఫీలను ట్విట్టర్లో పోస్ట్ చేసింది.
అందులో ఓ సెల్ఫీ... విమానం పూర్తిగా గాలిలో ఉన్నప్పుడు తీసుకున్నది ఉంది. ఈ సెల్ఫీలను కొన్ని టెలివిజన్ చానల్స్ చూపించాయి. ఈ సెల్ఫీలు మంగళవారం నాడు, బ్యూనస్ ఎయిర్స్ - రోసారియా మధ్య విమానం గాల్లో ఉండగా ఫోజులు ఇచ్చి దిగారు.
అందాల తార విక్కీ జిపోలిటాకిస్ కేబిన్లోకి వచ్చి పైలట్, కోపైలట్లను కవ్వించింది. ఈ నటి అర్ధ నగ్న ప్రదర్శనలకు చాలా ఫేమస్.
దీనిపై అర్జెంటీనా ఎయిర్ లైన్స్ ప్రెసిడెంట్ మాట్లాడుతూ.. దీనిపై వెంటనే చర్యలు తీసుకున్నామని చెప్పారు. ఆ విషయం తెలియగానే వారిపై చర్యలు తీసుకున్నామన్నారు. దీని పైన అధికారులు విచారణ జరిపిస్తున్నారు. కాగా, సదరు నటి పైన ఐదేళ్ల పాటు విమానంలో ప్రయాణించకుండా చర్యలు కూడా తీసుకుంటారని తెలుస్తోంది.