రేప్: నడివీధిలో నగ్నంగా ఊరేగించారు (వీడియో)
శాన్ మిగుల్: అభంశుభం తెలియని 8 ఏళ్ల బాలికపై అత్యాచారానికి పాల్పడిన ఓ దుర్మార్గుడిని స్థానికులు నగ్నంగా ఊరేగించిన వీడియో ఒకటి ఇంటర్నెట్లో హల్చల్ సృష్టిస్తోంది. బాలికపై అత్యాచారం చేస్తుండగా రెడ్ హ్యాండెడ్గా పట్టుకున్న నిందితుడికి స్ధానికులు దేహశుద్ధి చేసి, ఊరేగించారు.
ఈ సంఘటన అర్జెంటీనా దేశంలోని బ్యూన్స్ ఎయిర్స్లోని శాంతా బ్రిగేడ్ పట్టణంలో ఈ ఘటన చోటు చేసుకుంది. వివరాల్లోకి వెళితే... ఎనిమిదేళ్ల బాలికపై లైంగిక దాడి చేస్తూ ఓ వ్యక్తి స్థానికులకు పట్టుబడ్డాడు. దీంతో అతడి చేతులు వెనక్కి కట్టేసి వీధుల్లో నగ్నంగా ఊరేగించారు.
మరోసారి ఇలాంటి లైంగిక వేధింపులకు పాల్పడితే చంపేస్తామంటూ బెదిరించారు. వీధుల్లో నగ్నంగా ఊరేగిస్తున్న సమయంలో మహిళలు కొందరు గుమికూడి అతడిని చంపేయండి అంటూ తీవ్ర ఆగ్రహావేశాలకు లోనయ్యారు. చివరకు రంగంలోకి దిగిన పోలీసులు అతడిని అరెస్ట్ చేసి పోలీసు స్టేషన్కు తరలించారు.