వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

పాక్‌లో బ్లాస్ట్: 39మంది మృతి, నైజీరియాలో కాల్చివేత

By Srinivas
|
Google Oneindia TeluguNews

Bomb rips through historic market in Pakistan's Peshawar, kills 39
ఇస్లామాబాద్/కానో: వాయువ్య పాక్‌లోని పెషావర్‌లో జరిగిన బాంబు పేలుడులో 39 మంది మృతి చెందగా వంద మందికి పైగా గాయపడ్డారు. పెషావర్ పట్టణం వరుస బాంబు పేలుళ్లతో అట్టుడుకుతోంది. తాజా ఘటనతో వారం రోజుల వ్యవధిలో జరిగిన మూడు బాంబు పేలుళ్లలో సుమారు 150 మంది ప్రాణాలు కోల్పోయారు.

ఆదివారం ఉదయం పెషావర్‌లోని కిస్సా ఖవానీ బజార్‌లో పోలీసు స్టేషన్‌కు సమీపంలో బాంబు పేలుడు సంభవించింది.
నిలిపి ఉంచిన కారులో సుమారు 225 కేజీల పేలుడు పదార్థాలను ఉంచి రిమోట్ ద్వారా దుండగులు వాటిని పేల్చివేశారు. పేలుడు ధాటికి సమీపంలోని 8 దుకాణాలు అగ్నికి ఆహుతయ్యాయి.

గాయపడిన వారిని లేడీ రీడింగ్ ఆసుపత్రికి తరలించారు. వారం రోజుల వ్యవధిలో పెషావర్‌లో జరిగిన బాంబు పేలుళ్లలో ఇది మూడోది. గత ఆదివారం చారిత్రక చర్చిలో జరిగిన బాంబుదాడిలో 80 మందికి పైగా చనిపోగా, శుక్రవారం ఉద్యోగులను తీసుకెళుతున్న బస్సులో సంభవించిన పేలుడులో 19 మంది మృత్యువాతపడ్డారు.

50 మంది విద్యార్థుల కాల్చివేత

నైజీరియాలో నిద్రిస్తున్న 50 మంది విద్యార్థులను దారుణంగా ఉగ్రవాదులు హతమార్చారు. ఈశాన్య నైజీరియాలోని ఓ కళాశాల హాస్టల్‌లోకి చొచ్చుకెళ్లిన బొకోహారం మిలిటెంట్లు ఈ ఘాతుకానికి ఒడిగట్టారు. ఆదివారం తెల్లవారుజామున మిలిటెంట్లు వ్యవసాయ కళాశాల హాస్టల్‌లోకి దూసుకెళ్లారని, నిద్రిస్తున్న విద్యార్థులను విచక్షణారహితంగా కాల్పులు జరిపి హతమార్చారని అధికార వర్గాలు తెలిపాయి.

50 మంది మరణించినట్టు అధికారికంగా చెబుతున్నా, ఇంకా అనేకమంది జాడ తెలియనందున మృతుల సంఖ్య పెరిగే అవకాశం ఉందని తెలిపారు. రెండు వ్యానులు నిండిపోయిన మృతదేహాలను ఆస్పత్రికి తరలించినట్టుగా వెల్లడించారు. ఈ ఘటన తరువాత ఆ సంస్థకు మిలిటెంట్లు నిప్పు పెట్టారని, వెయ్యిమందికి పైగా విద్యార్థులు అక్కడి నుంచి పారిపోయారని రాష్ట్ర సైనిక ప్రతినిధి తెలిపారు.

English summary

 At least 39 people, including nine members of one family, were killed and 80 others injured when a huge car bomb ripped through a historic market here on Sunday, third such attacks in the troubled northwestern Pakistani city in a week claiming nearly 150 lives.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X