ఉద్యోగానికి ముద్దుకు లింకు : ఉద్యోగం ఊడొద్దంటే ముద్దు పెట్టాల్సిందే (వీడియో)
బీజింగ్ : చైనా కంపెనీల బరి తెగింపుదనం రోజురోజుకి మరింత ఎక్కువైపోతుంది. మొన్నటికి మొన్న జ్యూవెలరీ ప్రమోషన్ కోసం.. ఓ చైనా కంపెనీ ఇద్దరమ్మాయిలను మాల్స్ లో అర్థనగ్నంగా నిలబెట్టిన సంగతి తెలిసిందే. ఇక తాజాగా ఓ కంపెనీకి చెందిన బాస్ 'కిస్' తో ఉద్యోగానికి ముడిపెట్టాడు.
అంటే.. కంపెనీలోకి ఎంటర్ అవగానే ముందుగా సదరు బాస్ గారికి వరుసబెట్టి ముద్దులియ్యాలన్నమాట. అలా.. ఆ కంపెనీలో ఉన్న మహిళలంతా 'క్యూ' లో నిలబడి మరీ సదరు బాస్ కు ముద్దులిచ్చాకే వారిని వర్క్ లోకి అనుమతిస్తారు. ఎక్కడిదీ చోద్యం అనుకుంటున్నారా..! చైనాలోని టాంగ్జ్యు జిల్లాలో ఉన్న ఓ కంపెనీలో పరిస్థితి ఇది. బాస్ కు ముద్దు ఇస్తేనే.. అక్కడ ఉద్యోగం ఉంటుందట, లేదంటే రాజీనామా చేసేసి వెళ్లిపోవాలట.
ముద్దు ఇవ్వలేదన్న కారణంతో ఇప్పటికే ఇద్దరమ్మాయిలను పనిలో నుంచి కూడా తీసేశాడట సదరు బాస్. రోజూ ఉదయం 9గం.లకు ఆఫీస్ మొదలవగానే.. మహిళా ఉద్యోగులంతా క్యూ లో నిలబడి అతగాడికి ముద్దులిచ్చుకోవడం పరిపాటిగా మారిపోయింది. పీపుల్స్ డైలీ అనే ఓ మీడియా సంస్థ ద్వారా ఈ బాస్ బాగోతం వెలుగుచూసింది. వీడియోపై మీరూ ఓ లుక్కేయండి.