లిప్ట్లోనే మూత్రం పోసిన బాలుడు, ఏమైందంటే?
బీజింగ్: చైనా దేశంలో ఓ బాలుడు లిప్ట్లోనే పాడుపనిచేశాడు. దీంతో లిప్ట్ అక్కడికక్కడే నిలిచిపోయింది. లిఫ్ట్లోని సీసీ కెమెరాల్లో ఈ దృశ్యాలు రికార్డయ్యాయి. ఈ దృశ్యాలను కొందరు సోషల్ మీడియాలో అప్లోడ్ చేశారు. ఈ దృశ్యాలు ప్రస్తుతం వైరల్గా మారాయి.
చైనాలోని ఓ లిఫ్ట్లో ఓ బాలుడు లిప్ట్ బటన్లపై మూత్రం పోశాడు. దీంతో లిప్ట్ లో సాంకేతిక లోపం ఏర్పడి నిలిచిపోయింది. లిఫ్ట్ డోర్లు తెరుచుకోలేదు. భయంతో ఆ బాలుడు లిఫ్ట్ బటన్లు నొక్కడం ప్రారంభించాడు. కొద్ది క్షణాల ముందే ఆ బాలుడు ఆ బటన్లపై మూత్రం పోశాడు.
లిఫ్ట్ నిలిచిపోవడంతో సహయం కోసం ఆ బాలుడు పెద్దగా అరిచాడు. అయితే స్థానికులు ఆ తర్వాత లిఫ్ట్ను ఓపెన్ చేశారు. లిప్ట్ బటన్లను ఇతరులు ఉపయోగిస్తారని భావించి ఆ బటన్లపై మూత్రం పోసిన బాలుడి అనివార్యంగా ఆ బటన్లను తానే నొక్కాల్సిన పరిస్థితి నెలకొంది.
అయితే ఆ బటన్లు పనిచేయకపోవడంతో లిప్ట్లోనే ఇరుక్కుపోయాడు. సీసీ పుటేజీని చూసిన కొందరు ఈ వీడియోను సోషల్ మీడియోలో అప్లోడ్ చేశారు. దీంతో ఈ వీడియో ప్రస్తుతం వైరల్గా మారింది.