ఫ్రీగానే.: రియో ఒలింపిక్స్ కోసం 90లక్షల కండోమ్స్ సిద్ధం!
రియోడిజనిరో: వచ్చే ఆగస్టులో జరగనున్న ఒలింపిక్స్ సంరంభం కోసం బ్రెజిల్ అన్ని ఏర్పాట్లు పూర్తి చేసింది. ఏర్పాట్లలో భాగంగా సురక్షితమైన శృంగారం కోసం 90లక్షల కండోమ్ లను కూడా సిద్ధ చేసింది. అంతేగాక, వీటిని ఉచితంగానే అందించనున్నారు.
ఆగస్టులో ప్రారంభమయ్యే ఈమెగా వేడుకకు వివిధ దేశాల నుంచి భారీ సంఖ్యలో క్రీడాకారులు, ప్రముఖులతోపాటు వీక్షకులు రానున్నారు. కాగా, 4లక్షలా 50వేల కండోమ్ లను క్రీడాకారులు, సిబ్బందికి అందించనున్నారు. మిగితా మొత్తం వీక్షకులకు అందించనున్నట్లు ఆరోగ్యశాఖ మంత్రి తెలిపారు.
కండోమ్లను ప్రభుత్వానికి చెందిన నాటెక్స్ ఫ్యాక్టరీ సిద్ధం చేసినట్లు చెప్పారు. అమెజాన్ అడవిలో పెరిగే రబ్బరు చెట్ల ద్వారా వీటిని తయారు చేసినట్లు ఆయన వివరించారు.
ఒలింపిక్స్ అతిథుల భద్రతే తమకు ముఖ్యమని, అందులో భాగంగానే లైంగిక చర్యల వల్ల ఎవరూ హెచ్ఐవీ లాంటి వ్యాధులకు గురికాకుండా ఈ జాగ్రత్తలు తీసుకుంటున్నట్లు వెల్లడించారు. చాలా ఏళ్ల నుంచి ఈ ప్రక్రియను కొనసాగిస్తున్నట్లు తెలిపారు.