పొట్టి దుస్తులతో వచ్చిందని విమానం ఎక్కనివ్వలేదు
వాషింగ్టన్: ప్రముఖ డ్యాన్సర్ మెక్ మప్సీన్ పొట్టి దుస్తులతో వచ్చిందని ఆరోపిస్తూ విమానంలోకి అనుమతించలేదు. ఈ ఘటన పైన నెటిజన్లు ఆగ్రహం వ్యక్తం చేస్తున్నారు. ఎయిర్ లైన్స్ అధికారుల తీరు సోషల్ మీడియాలో హల్చల్ సృష్టిస్తోంది.
డ్యాన్సర్ మెక్ పొట్టి దుస్తులతో వచ్చిందని చెప్పి జెట్ బ్లూ ఎయిర్ లైన్స్ అధికారులు విమానం ఎక్కేందుకు అనుమతించ లేదు. ఇది తెలియడంతో నెటిజన్ల నుంచి ఆమెకు మద్దతుగా లభించింది. అమెరికాలోని మెసాచుసెట్స్లోని లోగాన్ విమానాశ్రయంలో ఈ సంఘటన జరిగింది.
దీంతో ఆమె అప్పటికప్పుడు తన దుస్తులను మార్చుకుని వచ్చిన తర్వాతే విమానంలోకి వచ్చేందుకు అనుమతి లభించింది. ఈ విషయం మీద అధికారుల తీరుపై నెటిజన్లు విమర్శలు గుప్పిస్తున్నారు. బ్యూటీ సాలిడారిటీ, బ్యూటీ షార్ట్ సపోర్ట్ పేరిట హాష్ ట్యాగ్స్ పెట్టి సోషల్ మీడియాలో ఆమెకు మద్దతుగా నిలిచారు. దీంతో విమానయాన సంస్థ తగ్గింది. క్షమాపణలు చెబుతూ 162 డాలర్ల క్రెడిట్ ఆఫర్ ఇచ్చింది.