ప్రపంచంలోనే అతిపెద్ద పిజ్జా: 2కిలోమీటర్ల పొడవుతో రికార్డ్ బ్రేక్

అమెరికాలోని తూర్పు లాస్ఏంజెల్స్‌లో ప్రపంచంలోనే అతిపెద్ద పిజ్జాను తయారు చేశారు. ఇది సుమారు 2కిలోమీటర్ల పొడవు ఉండటం గమనార్హం. ఇటలీలో గత సంవత్సరం నమోదైన రికార్డును ఈ పిజ్జా బద్దలు కొట్టింది.

లాస్‌ఏంజెల్స్: అమెరికాలోని తూర్పు లాస్ఏంజెల్స్‌లో ప్రపంచంలోనే అతిపెద్ద పిజ్జాను తయారు చేశారు. ఇది సుమారు 2కిలోమీటర్ల పొడవు ఉండటం గమనార్హం. ఇటలీలో గత సంవత్సరం నమోదైన రికార్డును ఈ పిజ్జా బద్దలు కొట్టింది.

ఫంటానా కాలిఫోర్నియా ఆటో క్లబ్ స్పీడ్‌వేలో పదుల సంఖ్యలో చెఫ్‌లు, ప్రజలు పాల్గొని ఈ పిజ్జాను తయారు చేశారు. 1.93కిలోమీటర్ల(6,333ఫీట్లు) పొడవుతో దీన్ని తయారు చేశారు. దీన్ని ప్రపంచంలోనే అతిపెద్ద పిజ్జాగా గిన్నిస్ బుక్ ఆఫ్ వరల్డ్ రికార్డ్స్‌ ప్రతినిధులు గుర్తించారు.

కాగా, ఈ పిజ్జా మొత్తం బరువు 7,808కిలోలు. ఈ పిజ్జా తయారు చేయడానికి 3,632కిలోల రొట్టెల పిండి, 1,634కిలోల ఛీజ్, 2,542కిలోల సల్సా సాస్ ఉపయోగించారు. గత సంవత్సరం ఇటలీలో 6,082ఫీట్ల పొడవుతో రూపొందించి ప్రపంచ రికార్డు సృష్టించగా.. 6,333ఫీట్లతో తయారు చేసి ఆ రికార్డును బ్రేక్ చేశారు.

8గంటలపాటు నిరంతరంగా శ్రమించి ఈ పిజ్జాను తయారు చేశారు. హ్యామానిటీ అండ్ ఫ్రెండ్‌షిప్ ఈ కార్యక్రామన్ని నిర్వహించడం జరిగింది. ఈ కార్యక్రమం ద్వారా వచ్చిన మొత్తాన్ని స్థానిక ఫుడ్ బ్యాంక్స్, నిరాశ్రయులకు అందజేయడం జరుగుతుందని నిర్వాహకులు తెలిపారు.

English summary

A pizza almost two km long, made in east of Los Angeles, became the world's longest as it exceeded the previous record set in Italy last year.