షాక్: సింహాల బోనులో నగ్నంగా దూకాడు(వీడియో)
శాన్టియాగో: చిలీ రాజధానిలోని ఓ జూలో అధికారులు విధి లేని పరిస్థతుల్లో రెండు సింహాలను చంపేశారు. నగ్నంగా సింహాల బోనులోకి దూకి ఆత్మహత్యకు ప్రయత్నించిన ఓ వ్యక్తిని కాపాడే ప్రయత్నంలో ఈ ఘటన చోటు చేసుకుంది.
ఆఫ్రికా సింహాలను ఉంచిన ఎన్క్లోజర్ తాడును పట్టుకొని ఓ వ్యక్తి(30) ఎక్కుతుండటాన్ని జూ అధికారులు పసిగట్టి వెంటనే భద్రతా వ్యవస్థలను అప్రమత్తం చేసినట్లు జూ ప్రధాన అధికారి అల్జండ్ర మోంటల్వ తెలిపారు.
నగ్నంగా ఉన్న అతను బోనులో పడగానే ఓ ఆడ సింహం, మగ సింహం అతనిపై దాడి చేసి పడేశాయి. వాటిని అడ్డుకునేందుకు జూ అధికారులు మత్తు బాణాలతో ప్రయత్నించినా సాధ్యం కాలేదు. దీంతో వారు వాటిని చంపి ఆ వ్యక్తి ప్రాణాలు కాపాడారు.
🔴 URGENTE #CHILE | El hombre que entró a la jaula de los leones en Zoo de Santiago resultó ileso.
— NoticiasChelmevision (@NOTICIAS_chelme) 21 May 2016
Mataron a 2 leones pic.twitter.com/6dCx04UbAw
'ఇక్కడి జంతువులు కూడా మా కుటుంబ సభ్యుల వంటివి. ఈ ఘటన మమ్మల్ని కదిలించేసింది' అని జూ ప్రధాన అధికారి మోంటల్వ తెలిపారు. మృతిచెందిన సింహాలు దాదాపు 20ఏళ్ల నుంచి తమతో ఉంటున్నాయని చెప్పారు. గాయపడిన వ్యక్తిని ఆస్పత్రికి తరలించారు. సింహాల దాడిలో తీవ్రంగా గాయపడిన ఆ వ్యక్తి పరిస్థితి విషమంగా ఉందని వైద్యులు తెలిపారు.