దేశాధ్యక్షుడికి చుక్కలు చూపించిన బొద్దింక.. అది ప్రతిపక్షం కుట్రనట..! (వీడియో)
మనీలా : ఫిలిప్పీన్స్ దేశాధ్యక్షుడు రొడ్రిగో డ్యూటెర్ట్కు చేదు అనుభవం ఎదురైంది. ఓ సభలో సీరియస్గా మాట్లాడుతున్న సమయంలో ఆయన అటెన్షన్ డైవర్ట్ చేసింది బొద్దింక. ఎన్నికల ప్రచారంలో భాగంగా ఆయన ప్రసంగిస్తుండగా.. ఆకస్మాత్తుగా ఓ బొద్దింక ఆయన భుజాలపై దర్శనమిచ్చింది. కానీ ఫ్లో లో మాట్లాడుతున్న డ్యూటెర్ట్ దాన్ని గమనించలేదు. అయితే అక్కడే ఉన్న మహిళ సహాయ సిబ్బంది దాన్ని తొలగించే ప్రయత్నం చేశారు.
ఎన్ఆర్ఐ మేనల్లుడు.. బిడ్డను మంచిగా చూస్తాడనుకుంటే..!
డ్యూటెర్ట్ ప్రసంగిస్తున్న సభకు సంబంధించి లైవ్ టెలికాస్ట్ జరుగుతోంది. ఆ బొద్దింకను ఆయన గమనించకపోయినప్పటికీ.. పక్కనే ఉన్న మహిళ తన చేతిలోని ఫైల్ సాయంతో దాన్ని తొలగించడానికి ట్రై చేశారు. కానీ అది అలాగే పైకి పాకుతోంది. స్పీచ్ లో లీనమైన డ్యూటెర్ట్ కు ఏమి జరుగుతుందో, ఆ మహిళ అలా ఎందుకు చేసిందో క్షణకాలం అర్థం కాలేదు. ఆ తర్వాత వెంటనే తేరుకున్న డ్యూటెర్ట్ కు బొద్దింకపై కన్ను పడింది. దాన్ని తన చేయితో కిందకు తోశాడు.
ఆ సీనంతా ప్రత్యక్ష ప్రసారం జరగడంతో డ్యూటెర్ట్ అప్రమత్తమయ్యారు. అదంతా వీక్షకులు గమనిస్తున్నారని వెంటనే మాట మార్చారు. ఈ బొద్దింకను ప్రతిపక్ష పార్టీ పంపించిందని వ్యంగ్యాస్త్రాలు సంధించారు. ఆయన సమయస్ఫూర్తికి అక్కడున్నవారంతా నవ్వుకున్నారు. ఈ వీడియో ఇప్పుడు సోషల్ మీడియాలో వైరల్ గా మారింది.