సెక్సీ అమ్మాయే కానీ..14హత్యలు చేసింది!
బొగోటా: ఆమె ఓ అందమైన యువతి. ఆమె వయస్సు 22 ఏళ్లు. చేసింది మాత్రం 14 హత్యలు. డ్రగ్ మాఫియా ముఠాతో కలిసి ఆమె సాగించిన ఈ నరమేధంతో కటకటాలపాలైంది. ఈ ఘటన కొలంబియాలో చోటు చేసుకుంది. ఇప్పుడు ఆమెను ఆ దేశంలో దెయ్యం మహిళగా పేర్కొంటుండటం గమనార్హం.
వివరాల్లోకి వెళితే.. కొలంబియా పోలీసులు యూరీ పాట్రీసియా సాంఛెజ్(22) అనే కరుడుగట్టిన మహిళా కాంట్రాక్ట్ కిల్లర్ను ఇటీవల అరెస్ట్ చేశారు. ఏడుగురు పోలీసులతో సహా మొత్తం 14 మందిని ఆమె హతమార్చినట్లు అభియోగాలున్నాయి.
కొలంబియాలో అత్యంత ప్రమాదకర మహిళ(దెయ్యం మహిళ)గా పేరున్న సాంఛెజ్.. ఓ డ్రగ్ ట్రాఫికింగ్ ముఠాతో కలిసి పనిచేస్తోంది. పైకి అందంగా కనిపించే ఈ కిలేడీ నేరచరిత్రను చూసి పోలీసులకే దిమ్మదిరిగిపోయింది.
కొలంబియాలోని పవర్ ఫుల్ డ్రగ్ ట్రాఫికింగ్ ముఠా 'ఉసేగా'లో సాంఛెజ్ క్రీయాశీలక సభ్యురాలని పోలీసులు గుర్తించారు. ఉసేగా ముఠా ఒక్క కొలంబియాలోనే కాకుండా పెరూ, అర్జెంటీనా, బ్రెజిల్, హోండురస్లలో సైతం తన కార్యకలాపాలు నిర్వహిస్తోంది.
సాంఛెజ్కు ప్రమేయమున్న హత్యల జాబితాకు సంబంధించిన వీడియోను పోలీసులు విడుదల చేశారు. దీనిలో ఓ పోలీసు అధికారి.. హత్యల వివరాలను ఒకదాని తరువాత ఒకటి 14 హత్యల గురించి చదువుకుంటూ పోవడం కనిపిస్తుంది. ప్రభుత్వానికి వ్యతిరేకంగా పనిచేస్తున్న పలు ముఠాలకు సంబంధించిన కీలక సమాచారం సాంచెజ్కు తెలుసునని పోలీసు ఉన్నతాధికారి ఒకరు వెల్లడిచారు.