కరోనావైరస్: ఫ్రాన్స్‌లో మళ్లీ కోవిడ్ విజృంభణ... ఒకే రోజు 30 వేలకు పైగా కేసులు - BBC Newsreel.

By Bbc Telugu

| Updated: Friday, October 16, 2020, 16:52 [IST]

ఫ్రాన్స్ లో గురువారం 30,621 కొత్త కరోనా కేసులు నమోదయ్యాయి. బుధవారం ఇక్కడ 22,591 కేసులు బయటపడ్డాయి.

కరోనా కేసులు పెరుగుతుండడంతో రాజధాని పారిస్‌ సహా చాలా నగరాల్లో శనివారం నుంచి రాత్రి పూట కర్ఫ్యూ అమలు చేయాలని ప్రభుత్వం నిర్ణయించింది.

ప్రజల ప్రాణాలు కాపాడ్డానికి కఠిన ఆంక్షలు విధించడం అత్యంత అవసరమని ప్రపంచ ఆరోగ్య సంస్థ హెచ్చరించింది.

కరోనా సెకండ్ వేవ్ దృష్ట్యా కొత్త మార్గదర్శకాలు పాటించాలని యూరప్ ప్రజలకు విజ్ఞప్తి చేసింది.

శనివారం నుంచి లండన్‌లో ఇండోర్ కార్యక్రమాలపై కూడా నిషేధం విధించారు. లండన్, దాని చుట్టుపక్కల ప్రాంతాల్లో కోవిడ్ హెచ్చరికలు జారీ చేశారు.

ఫ్రాన్స్, ఇటలీ, పోలెండ్, జర్మనీలో గురువారం భారీ స్థాయిలో పరీక్షలు జరగడంతో ఒకే రోజు ఎక్కువ కేసులు నమోదయ్యాయి.

గురువారం రష్యాలో 286 మంది చనిపోయినట్లు వార్తలు వచ్చాయి. కరోనా వ్యాప్తి తర్వాత రష్యాలో ఒకే రోజు ఇంత మంది చనిపోవడం ఇదే మొదటిసారి.

యూరప్ దేశాలు తగిన చర్యలు తీసుకోవాలని ప్రపంచ ఆరోగ్య సంస్థ హెచ్చరించింది. యూరప్‌లో రోజువారీ మరణాల సంఖ్య వెయ్యి దాటడంపై ఆందోళన వ్యక్తం చేసింది.

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

English summary

Increased coronavirus cases in France becomes a worry

మరిన్ని Coronavirus వార్తలు