బాబోయ్ మళ్లీనా.. ఆ అవార్డు నాకొద్దు: ట్రంప్, మీకై మీరే అనుకుంటే ఎలా?: ‘టైమ్’
డిసెంబర్లో టైమ్ పర్సన్ ఆఫ్ ది ఇయర్ పేరును ప్రకటించనుంది. అయితే ఇందుకు ఎవరిని ఎన్నుకుందో ఆ మ్యాగజైన్ చెప్పలేదు గానీ.. ఇంటర్వ్యూ, ఫొటో షూట్ కావాలని ట్రంప్ను కోరింది.
వాషింగ్టన్: ప్రఖ్యాత టైమ్ మ్యాగజైన్ గతేడాది 'పర్సన్ ఆఫ్ ది ఇయర్'గా అమెరికా అధ్యక్షుడు డొనాల్డ్ ట్రంప్ను ప్రకటించిన విషయం తెలిసిందే. అయితే ఈసారి కూడా తననే 'పర్సన్ ఆఫ్ ది ఇయర్'గా ప్రకటించే అవకాశముందని.. అయితే ఆ గౌరవం తనకు వద్దని ట్వీట్ చేశారు ట్రంప్.
ఈమేరకు ఆయన ట్విటర్ ద్వారా తన అభిప్రాయాన్ని వెల్లడించారు. డిసెంబర్లో టైమ్ పర్సన్ ఆఫ్ ది ఇయర్ పేరును ప్రకటించనుంది. అయితే ఇందుకు ఎవరిని ఎన్నుకుందో ఆ మ్యాగజైన్ చెప్పలేదు గానీ.. ఇంటర్వ్యూ, ఫొటో షూట్ కావాలని ట్రంప్ను కోరింది.
దీంతో మళ్లీ తననే పర్సన్ ఆఫ్ ది ఇయర్ గా ఎన్నుకుంటున్నారని భావించిన ట్రంప్.. ఆ అవార్డు తనకు వద్దని చెప్పారు. 'గతేడాదిలాగే ఈసారి కూడా టైమ్ మ్యాగజైన్ నన్నే పర్సన్ ఆఫ్ ది ఇయర్గా ఎన్నుకునే అవకాశం ఉంది. నన్ను ఇంటర్వ్యూ, ఫొటోషూట్ కూడా అడిగారు. అయితే ఇందుకు నేను వద్దని చెప్పాను. ఎనీవే.. థాంక్యూ..!' అని ట్రంప్ ట్వీట్ చేశారు.
Time Magazine called to say that I was PROBABLY going to be named “Man (Person) of the Year,” like last year, but I would have to agree to an interview and a major photo shoot. I said probably is no good and took a pass. Thanks anyway!
— Donald J. Trump (@realDonaldTrump) November 24, 2017
ఈ ట్వీట్పై టైమ్ మ్యాగజైన్ కూడా స్పందించింది. అధ్యక్షుడు పొరబాటు పడుతున్నారని పేర్కొంది. 'పర్సన్ ఆఫ్ ది ఇయర్'గా మేం ఎంపిక చేస్తామని ట్రంప్ పొరబాటు పడుతున్నారు. మా ఎంపికను ప్రకటించేంతవరకు టైమ్స్ దాని గురించి మాట్లాడబోదు. డిసెంబర్ 6న ఎవరికిచ్చేదీ ప్రకటిస్తాం..' అని రీట్వీట్ చేసింది.
The President is incorrect about how we choose Person of the Year. TIME does not comment on our choice until publication, which is December 6.
— TIME (@TIME) November 25, 2017