ఈజిప్ట్‌లో పురాతన శ్మశాన వాటికలో 50 మమ్మీలు: చిన్నారులవి, జంతువులవి (వీడియో)

కైరో: ఈజిప్ట్‌లోని పురాతత్వ శాస్త్రవేత్తలు మరో నలభై నుంచి యాభై మమ్మీలను గుర్తించారు. మిన్యా ప్రాంతంలో ఇటీవల వారు పురాతన శ్మశానాన్ని కనుగొన్నారు. అక్కడ మమ్మీలను గుర్తించారు. ఈ మమ్మీలలో చిన్నపిల్లలు, జంతువులవి కూడా కనుగొన్నారు.

పురాతత్వ శాస్త్రవేత్తలు ఈజిప్ట్‌లోని మిన్యాలోని ట్యూనా ఎల్ గెబల్ అనే ప్రాంతంలో తొమ్మిది మీటర్ల లోతున గదులను గుర్తించారు. వీటిలో ఈ మమ్మీలు ఉన్నాయి. ఇవి రోమన్ లేదా బైజాన్దియన్ కాలం నాటివిగా భావిస్తున్నారు. ఇందులో కొన్ని వెలికితీశారు.

50 వరకు మమ్మీల గుర్తింపు

ఆ మమ్మీలు మంచిస్థితిలో ఉన్నాయా లేదా తెలియరాలేదని చెబుతున్నారు. మమ్మీల పైన నాటి భాషలో రాసి ఉంది. అయితే వాటిపై ఎలాంటి పేర్లు గుర్తించలేదని చెబుతున్నారు. శనివారం పురావస్తు మంత్రిత్వ శాఖ కూడా స్పందించింది. దాదాపు యాభై వరకు మమ్మీలను గుర్తించినట్లు తెలిపింది. ఇందులో పెద్దవారివి, పిల్లలవి, జంతువులవి ఉన్నాయని చెప్పింది. దక్షిణ కైరోకు 260 కిలో మీటర్ల దూరంలో ఈ మమ్మీలు గుర్తించిన ప్రాంతం ఉందని పురావస్తు మంత్రిత్వ శాఖ తెలిపింది.

New #discovery in #TunaelGebel #family #grave filled with #mummies #menia #Egypt #Egyptology #ambassadors from 11 #countries with their #families attended as well as #international #media pic.twitter.com/nONHymu3aD

— Ministry of Antiquities-Arab Republic of Egypt (@AntiquitiesOf) February 2, 2019

మమ్మీల్లో చిన్నారులవి, జంతువులవి

40 మమ్మీలను బయటకు తీశామని, ఇందులో 12 చిన్నారులవి, ఆరు జంతువులవి ఉన్నాయని ఆర్కియాలజిస్ట్ రామి రస్మి తెలిపారు. మిగతావి మహిళలు, పురుషులవి అని చెప్పారు.

خبيئتان للمومياوات وعدة آبار دفن في الأكتشاف الأثري لبعثة الحفائر الأثرية لجامعة المنيا ووزارة الأثار بـــ #تونا_الجبل
Dozens of Mummies Discovered in Middle Egypt pic.twitter.com/BaaVGoatZr

— صاحب مزرعة المكرونه (@justin_C4se) February 2, 2019

మిన్యా యూనివర్సిటీ నేతృత్వంలో

మమ్మీలపై నాటి భాషలో రాసిన విశేషాలు ఉన్నాయని చెప్పారు. ఈజిప్షియన్‌ కాలంలో దీనిని సాధారణ ప్రజలు వినియోగించేవారన్నారు. ఈ మమ్మీలను చాలా వరకు కుండల్లో భద్రపరిచినట్లు తెలిపారు. మిన్యా యూనివర్సిటీ నేతృత్వంలో చేపట్టిన ఈ సంయుక్త కార్యక్రమంలో తొలిసారి ఈ మమ్మీలను కనుగొన్నారు.

English summary

Egyptian archaeologists have uncovered a tomb containing 50 mummies that date back to the Ptolemaic era). The mummies, 12 of which were of children, were discovered inside four nine-metre deep burial chambers in the Tuna el-Gebel archaeological site in Minya, south of Cairo, the Supreme Council of Antiquities said on Saturday.