హమ్మయ్యా: కరోనా థెరపీ అయిపోయింది..హైడ్రాక్సీ క్లోరోక్విన్ చక్కగా పనిచేసింది: డొనాల్డ్ ట్రంప్
కరోనా వైరస్కు హైడ్రాక్సీ క్లోరోక్విన్ మాత్ర పనిచేయదని అమెరికా వైద్య నిపుణులు నెత్తి నోరు బాదుకున్న అగ్రరాజ్య అధినేత డొనాల్డ్ ట్రంప్ మాత్రం వినలేదు. గత కొన్నిరోజుల నుంచి రోజు టాబ్లెట్ వేసుకున్నారు. అయితే దానికి సంబంధించి తాజాగా ఒక ప్రకటన కూడా విడుదల చేశారు. తన కరోనా థెరపి పూర్తయ్యిందని.. హైడ్రాక్సీ క్లోరోక్విన్ మాత్రం ఇక వేసుకోనని చెప్పారు.
Recommended Video
అంతేకాదు గత రెండువారాల నుంచి హైడ్రాక్సీ క్లోరోక్విన్ మాత్ర వేసుకోవడం వల్ల తన ఆరోగ్యం బాగుందని కూడా తెలిపారు. హైడ్రాక్సీ క్లోరోక్విన్ మాత్రను జింక్తో కలిసి తీసుకుంటున్నానని వారం క్రితం ప్రకటించిన సంగతి తెలిసిందే. వైట్ హౌస్లో పనిచేసే ఇద్దరికీ కరోనా వైరస్ సోకిన సంగతి తెలిసిందే. దీంతో అప్పటినుంచి రోజు కరోనా వైరస్ పరీక్ష కూడా చేయించుకుంటున్నారు. దాంతోపాటు మాత్రను కూడా వాడుతున్నారు.
వాస్తవానికి హైడ్రాక్సీ క్లోరోక్విన్ టాబ్లెట్ వేసుకోవద్దని నిపుణులు చెబితే.. తనను వైట్ హౌస్ సిబ్బంది వేసుకోవాలని సూచించారని చెప్పి.. మరీ రెండు వారాల నుంచి తీసుకున్నారు. ఇప్పుడెమో తన ఆరోగ్యం బాగుందని అని చెప్పి.. మాత్ర పనిచేసిందని చెప్పారు.