జాతీయ జెండాకు నిప్పు: మాజీ సైనికుడి అరెస్టు
లాహోర్: దేశం కోసం అనేక సంవత్సరాలు సేవలు అందించి ఇప్పుడు ఆ దేశ జాతీయ జెండాను పూర్తిగా తగలబెట్టిన మాజీ సైనికుడిని పాకిస్థాన్ పోలీసులు అరెస్టు చేశారు. కామరుల్ జమాన్ అనే వ్యక్తిని అరెస్టు చేసి విచారణ చేస్తున్నారు.
కామరుల్ జమాన్ అనే వ్యక్తి పాకిస్థాన్ సైన్యంలో పని చేసేవాడు. కొన్ని కారణాల వలన అతను ఇంటికి వెళ్లాడు. తరువాత సైన్యంలోకి రాకుండ చాల కాలం పాటు సెలవుల మీద సెలవులు పెట్టాడు. దీంతో చాల కాలం అతను తిరిగి సైన్యంలోకి వస్తాడని అధికారులు భావించారు.
కామరుల్ నుండి ఎలాంటి స్పందన లేకపోవడంతో సైన్యం అతనిని ఆర్మీ నుండి తొలగించింది. తరువాత కామరుల్ ఒక ప్రయివేటు కంపెనీలో సెక్యూరిటీ గార్డుగా పని చేస్తున్నాడు. అప్పటి నుండి అతను అవకాశం చిక్కిన ప్రతిచోట పాక్ ను విమర్శిస్తున్నాడు.
ఈ నెల 13వ తేదిన అతను పాక్ జాతీయ జెండాను తగలబెట్టాడు. తరువాత ఈనెల 28వ తేది శుక్రవారం పట్టపగలు పాకిస్థాన్ జాతీయ జెండాను పూర్తిగా తగలబెట్టాడు. పాక్ వ్యతిరేకంగా నినాదాలు చేశాడు. స్థానికులు ఫిర్యాదు చెయ్యడంతో పోలీసులు అతనిని అరెస్టు చేశారు. కామరుల్ జమాన్ ను విచారణ చేస్తున్నామని పోలీసు అధికారులు తెలిపారు.