యువతిపై దాడి: నడి రోడ్డులో లూటీ (వీడియో)
బీజింగ్: చైనాలో చైన్ స్నాచింగ్ లు విచ్చలవిడిగా జరుగుతున్నాయి. భారత్ కు పోటీగా అక్కడ చైన్ స్నాచింగ్ లు, రాబరీలు చేస్తున్నారు. యువకులు ఓ గ్యాంగ్ లుగా తయారై ఒంటరిగా వెళుతున్న మహిళలు, యువతులను బెదిరించి దాడి చేసి వారి దగ్గర ఉన్న విలువైన వస్తువులు లాక్కోని పారిపోతున్నారు.
ఇటీవల చైనాలో జరిగిన ఇలాంటి ఘటన సీసీ టీవీలో రికార్డు అయ్యింది. చైనాలోని గ్యాంగ్ డాంగ్ ఫ్రావిన్స్ లోని డాంగ్వన్ నగరంలో జనవరి 5వ తేదిన ఉదయం 8.30 గంటల సమయంలో హువాంగ్ (20) అనే యువతి నడిచి వెలుతున్నది.
మలుపులో ఓ యువకుడు గొడుగు పట్టుకుని నిలబడి ఉన్నాడు. తరువాత యువతి వెనుక నుంచి వచ్చిన మరో యువకుడు ఆమె తలను గట్టిగా పట్టుకున్నాడు. తరువాత ఇద్దరు యువకులు ఆమె వ్యానిటీ బ్యాగ్ లాక్కోవడానికి విఫలయత్నం చేశారు.
అదే సమయంలో మరో యువకుడు స్కూటర్ లో అటువైపు వెళ్లినా వారిని పట్టించుకోలేదు. తరువాత ఆమె దగ్గర ఉన్న వ్యానిటీ బ్యాగ్ విలువైన వస్తువులు లాక్కోని ఆమెను నేలకేసి దారుణంగా కొట్టి ముగ్గరూ స్కూటర్ లో పరారైనారు. తేరుకున్న బాధితురాలు హువాంగ్ పోలీసులకు ఫిర్యాదు చేసింది.