మహిళ ప్రాణాలు కాపాడిన లో దుస్తులు

బెర్లిన్‌: లోదుస్తులు ప్రాణాలు కాపాడటమేంటని ఆశ్చర్యపోతున్నారా!.. అయినా ఇది నిజమే. ఈ విచిత్రమైన ఘటన జర్మనీలో చోటు చేసుకుంది. ఉత్తర రైన్‌-పశ్చిమ ఫాలియాకు చెందిన 41 ఏళ్ల యాత్రికురాలు భర్తతో కలిసి మెక్లెన్‌బర్గ్‌ అనే ప్రాంతం మీదుగా సరదాగా బైక్‌పై షికారుకు వెళుతోంది.

గేడ్‌బుష్‌ అనే పట్టణం దాటి, తమకు తెలియకుండానే అడవి పందుల్ని వేటాడే ప్రాంతంలోకి వెళ్లిపోయిందా జంట. కొంచెం ముందుకెళ్లాక అకస్మాత్తుగా ఆమె ఛాతిలో నొప్పి మొదలైంది.

అంతకుముందు వక్ష భాగంలో ఏదో వస్తువు తాకినట్టు గ్రహించిందామె. తీరా చూస్తే తన దృఢమైన బ్రా పట్టీకి తూటా దెబ్బ తగిలినట్టు స్పష్టంగా అర్ధమైంది. అయినా చిన్న గాయం కూడా కాలేదు.

కాల్పులకు కారణమైన వ్యక్తిని ఆ మహిళ భర్త కొంచెం దూరంలో పట్టుకొన్నాడు. తూటా నేరుగా తగలకపోవడంతోనే మహిళ ప్రాణాలు దక్కాయని ఓ పోలీసు అధికారి చెప్పారు. ఆమె ధరించిన లో దుస్తులే ఆమెను రక్షించాయని పేర్కొన్నారు.

English summary

A woman owes her life to a bra that stopped a hunter’s stray bullet and saved her life.