‘ట్రంప్ ను దించేద్దాం.. వ్యతిరేక సమాచారం ఇస్తే రూ.65 కోట్లు బహుమతి’, కలకలం రేపిన ప్రకటన..

అమెరికాలో ఒక ప్రకటన కలకలం సృష్టిస్తోంది. ట్రంప్ ను అధ్యక్ష పదవినుంచి తొలగించేందుకు సహకరించాలంటూ వాషిగ్టన్ పోస్ట్ పత్రికలో ఓ సంచలన ప్రకటన ప్రచురితమైంది.

వాషింగ్టన్: అమెరికాలో ఒక ప్రకటన కలకలం సృష్టిస్తోంది. ట్రంప్ ను అధ్యక్ష పదవినుంచి తొలగించేందుకు సహకరించాలంటూ వాషిగ్టన్ పోస్ట్ పత్రికలో ఓ సంచలన ప్రకటన ప్రచురితమైంది.

ట్రంప్ పనితీరు, ఆయన వ్యవహార శైలి నచ్చని వారు, ఆయన అధ్యక్షుడైన తరువాత అమెరికాలో జరుగుతున్న జాత్యాహంకార దాడులు సహించలేని వారు ఇప్పుడు అమెరికాలో ఎంతోమంది ఉన్నారు.

ట్రంప్ ను దించేద్దామంటూ ప్రకటన ఇచ్చిన వ్యక్తి 'హస్లర్' మ్యాగజైన్ వ్యవస్థాపకుడు. ఆయన పేరు లారీ ఫ్లింట్. అమెరికా అధ్యక్షుడు ట్రంప్‌ను పదవి నుంచి దించగలిగే సమాచారాన్ని అందిస్తే దాదాపు రూ.65కోట్లు (10 మిలియన్‌ డాలర్లు) బహుమతిగా ఇవ్వనున్నట్లు లారీ ఫ్లింట్‌ తన ప్రకటనలో పేర్కొన్నారు.

'నేను ట్రంప్‌ దగ్గరున్న కోట్లాది రూపాయలను ఆశించడం లేదు. అతన్ని పదవి నుంచి తప్పించాలనుకుంటున్నాను. అధ్యక్ష ఎన్నికల్లో ట్రంప్‌ ఎన్నో అక్రమాలకు పాల్పడ్డాడు. అధికారం చేపట్టిన 9 నెలల్లో అతడు అత్యున్నత పదవికి అర్హుడు కాదని నిరూపించుకున్నాడు..' అంటూ ఆ ప్రకటనలో లారీ ఫ్లింట్ వివరించాడు.

గతంలో ఇద్దరు రిపబ్లికన్‌ నేతల బండారాన్ని బయటపెట్టింది కూడా 'హస్లర్' మ్యాగజైన్ వ్యవస్థాపకుడు లారీ ఫ్లింటే. సంచలనం సృష్టించిన ఈ ప్రకటన ప్రస్తుతం అమెరికాలో చర్చనీయాంశంగా మారింది.

English summary

Larry Flynt, the founder of Hustler Magazine, bought a full-page ad in The Washington Post on Sunday, offering $10 million to anyone with information that could lead to President Donald Trump's impeachment. The ad said there was a strong reason to believe the 2016 election was "illegitimate in many ways" because Trump lost the popular vote , and was voted in because of an Electoral College "quirk" and Republican gerrymandering. "Trump has proven he's dangerously unfit to exercise the extreme power accrued by our 'unitary executive'," the ad read.