ఐసిస్ వీడియో షాక్: ఏకే47 తూటాలు,ఆరేళ్ల బాలుడు
సిరియా: ఐసిస్ (ఇస్లామిక్ స్టేట్) ఘాతుకాలు ప్రపంచాన్ని షాకింగ్కు గురి చేస్తుంటాయి. తాజాగా, మరో గగుర్పొడిచే విషయం తెలిసింది. మూడేళ్ల బాలుడు ఓ తల నరకుతుండగా తీసిన వీడియోను ఐసిస్ గతంలో విడుదల చేసింది.
తాజాగా మరో వీడియోను విడుదల చేసింది. అందులో ఏకే 47 పేలుస్తుండగా దాని నుంచి తప్పించుకుంటూ పరుగెత్తుతున్న ఆరేళ్ల బాలుడు ఉన్నాడు. ఆరేళ్ల బాలుడికి జిహాదీ శిక్షణ ఇస్తుండగా తీసిన వీడియోను ఉగ్రవాదులు విడుదల చేశారు.
విడుదల చేసిన ఈ వీడియోలో... ఓ ఉగ్రవాది ఏకే 47తో కాల్పులు జరుపుతుంటాడు. ఆ తూటాల నుంచి తప్పించుకుంటూ ఆరేళ్ల బాలుడు తీగల కింద నుంచి, దుమ్ములో పాక్కుంటూ వెళ్తుంటాడు. ఆ బాలుడు భయంతో వణుకుతాడు. ఏడుస్తాడు.
ఆ పక్కనే మరో ఉగ్రవాది అల్లా హో అక్బర్ అనే నినాదాలు చేస్తుంటాడు. ఈ వీడియోను సిరియా లేదా ఇరాక్లో తీసి ఉండవచ్చంటున్నారు. కొత్తతరం ఉగ్రవాదుల్ని తయారు చేసుకునే ప్రయత్నాలలో భాగంగానే ఐసిస్ ఈ తరహా శిక్షణ ఇస్తున్నట్లుగా భావిస్తున్నారు.