రోడ్డుపై వర్షపు నీటిలో సర్పింగ్ చేసిన సౌదీ మహిళ(వీడియో)
జెడ్డా: ఇటీవల కురిసిన భారీ వర్షాలకు సౌదీ అరేబియాలోని జెడ్డా నగరం వరద నీటితో నిండిపోయింది. వర్షాలు తగ్గినప్పటికీ కొన్ని పాంత్రాల్లో వరద నీరు అలాగే నిలిచిఉంది. ఈ వరద నీటిలో ఓ ముస్లిం మహిళ సర్ఫింగ్ చేస్తున్న వీడియో ఇప్పుడు సోషల్ మీడియాలో వైరల్గా మారింది. ఒక కారుకి తాడు కట్టి, దాని సహాయంతో బుర్ఖా వేసుకున్న మహిళ సర్ఫింగ్ చేస్తోంది.
ఈ వీడియోను జోయెస్ కరామ్ అనే ఓ రిపోర్టర్ తన ట్విట్టర్ ఖాతాలో షేర్ చేసింది. పోస్ట్ చేసిన కొద్ది సేపటికే వీడియో వైరల్గా మారింది. అంతేకాకుండా ఈ వీడియోను ఆదర్శంగా తీసుకుని సౌదీలోని ఇతర ప్రాంతాలకు చెందిన వారు కూడా ఈ తరహా వీడియోలు చేసి పోస్టు చేస్తున్నారు.
This woman making the best out of today's floods in Jeddah 🏄♀️, #Saudi pic.twitter.com/9KsnblKfXe
— Joyce Karam (@Joyce_Karam) November 21, 2017
భారీ వర్షం కురవడంతో ఈ ప్రాంతంలో వర్షం నీరు ఇంకా అలానే ఉంది. వర్షపు నీళ్ళలో వింత వింత ఆటలు ఆడుతున్నారు. ఈ ప్రాంతంలో ఎండలు విపరీతంగా ఉంటాయి. భారీ వర్షాలు కురవడం అరుదని శాస్త్రవేత్తలు అభిప్రాయపడుతున్నారు.