• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జాన్ మగుఫులి: టాంజానియా అధ్యక్షుడి మృతి.. కోవిడ్ సోకటం వల్లేనని వదంతులు - Newsreel

By BBC News తెలుగు
|

జాన్ మగుఫులి

టాంజానియా అధ్యక్షుడు జాన్ మగుఫులి హృద్రోగ సంబంధిత సమస్యలతో బుధవారం మరణించినట్లు ఆ దేశ ఉపాధ్యక్షురాలు సామియా సులుహు హస్సన్ ప్రకటించారు. ఆయన వయస్సు 61 సంవత్సరాలు.

ఆయన గత రెండు వారాలుగా అస్వస్థతతో ఉన్నారు. ఆయన ఆరోగ్యం గురించి అనేక వదంతులు ప్రచారమయ్యాయి. ఆయనకు కోవిడ్ సోకి ఉండవచ్చని ప్రతిపక్ష నాయకులు చెప్పినప్పటికీ ఈ విషయాన్ని ఎవరూ నిర్ధరించలేదు.

కరోనావైరస్ తీవ్రతను కొట్టి పడేసి వైరస్ పట్ల అనుమానాలు వ్యక్తం చేసిన వ్యక్తుల్లో మగుఫులి ఒకరు. వైరస్ ఎదుర్కోవడానికి మూలికలతో కూడిన ఆవిరి పెట్టుకుని, ప్రార్ధనలు చేసుకోమని ఆయన ప్రజలకు సూచించారు.

"టాంజానియా ఒక ధైర్యవంతుడైన నాయకుడిని కోల్పోయిందని చెప్పడానికి చింతిస్తున్నాను" అని హస్సన్ అన్నారు.

టాంజానియా

ఆయనకు 14 రోజుల పాటు జాతీయ సంతాపం తెలిపి, జెండాలను కిందకు ఎగరవేస్తామని తెలిపారు.

టాంజానియా రాజ్యాంగాన్ని అనుసరించి హస్సన్ దేశాధ్యక్షురాలిగా 24 గంటల లోపు ప్రమాణ స్వీకారం చేస్తారు. మగుఫులికి మిగిలిన నాలుగు సంవత్సరాల పదవీ కాలాన్ని ఆమె పూర్తి చేస్తారు.

మగుఫులి ఆఖరి సారి ఫిబ్రవరి 27న బయటకు కనిపించారు. ఆయన ఆరోగ్యంగానే ఉన్నట్లు దేశ ప్రధాని గత వారం ప్రకటించారు.

దేశాధ్యక్షుని ఆరోగ్యం పై వచ్చిన వదంతులను ఆయన ఖండించారు.

కానీ, మగుఫులి కెన్యా లోని ఒక ఆసుపత్రిలో కరోనావైరస్ కోసం చికిత్స తీసుకున్నట్లు తనకు తెలిసిందని ప్రతిపక్ష నాయకుడు టుండు లిస్సు బీబీసీకి చెప్పారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)

English summary
John Magufuli: Tanzanian president dies at 61
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X