లాక్డౌన్ ఎఫెక్ట్: విపరీతంగా పెరిగిన రివెంజ్ పోర్న్ కేసులు
లాక్డౌన్ కాలంలో ఈ ఏడాది రివెంజ్ పోర్న్ ఎక్కువైందని పరిశోధకులు చెబుతున్నారు.
తమ భాగస్వాములు, మాజీ భాగస్వాములు, తమతో లైంగిక సంబంధాలు ఉన్నవారికి సంబంధించిన అభ్యంతరకర ఫొటోలను సోషల్ మీడియాలో షేర్ చేయడం, చేస్తామని బెదిరించడమే ఈ రివెంజ్ పోర్న్.
బ్రిటన్లో ప్రభుత్వ నిధులతో నడిచే ఒక హెల్ప్లైన్ నంబరుకు ఈ ఏడాది ఇప్పటివరకు ఇలాంటివి 2,050 ఫిర్యాదులు వచ్చాయి. గత ఏడాదితో పోల్చితే 22 శాతం ఎక్కువ ఇది.
కరోనావైరస్ లాక్డౌన్ నిబంధనలు సడలించినా కూడా రివెంజ్ పోర్న్ కేసులు ఇంకా పెరుగుతూనే ఉండడంతో ఈ హెల్ప్లైన్ నడుపుతున్నవారు ఆందోళన వ్యక్తంచేస్తున్నారు.
అనుమతి లేకుండా అశ్లీల చిత్రాలను పంచుకోవడం ఇంగ్లాండ్, స్కాట్లాండ్ మరియు వేల్స్లో చట్టవిరుద్ధం.
ఇంగ్లండ్, స్కాట్లాండ్, వేల్స్లో అనుమతి లేకుండా అశ్లీల చిత్రాలు షేర్ చేయడం చట్టవిరుద్ధం.
- కరోనావైరస్ వ్యాక్సీన్ తయారీలో చైనా ముందడుగు... కార్మికులపై టీకా ప్రయోగాలు
- రివెంజ్ పోర్న్: అసభ్యకర చిత్రాలకు చెక్ పెట్టనున్న ఫేస్బుక్
గృహహింస సమస్యలపై పనిచేసే సంస్థ రిప్యూజీ పరిశీలనలోనూ ఇలాంటి కేసులు వెలుగుచూశాయి. ఏడుగురు యువతులకు బెదిరింపులు వచ్చాయని.. వారు సన్నిహితంగా మెలగిన చిత్రాలు బయటపెడతామని బెదిరింపులు వచ్చాయని ఆ సంస్థ వెల్లడించింది.
కాగా హెల్ప్లైన్కు అందిన ఫిర్యాదులలో మూడింట రెండో వంతు కేసులలో మహిళల పాత్ర కూడా ఉందని గుర్తించారు.
లాక్డౌన్ కాలంలో ఇలాంటి రివెంజ్ పోర్న్ ధోరణి పెరిగిపోయిందని పెరుగుతున్న కేసులే చెబుతున్నాయని హెల్ప్ లైన్ మేనేజర్ సోఫీ మార్టిమర్ చెప్పారు.
యూకే సేఫర్ ఇంటర్నెట్ సెంటర్ కార్యక్రమంలో భాగంగా సౌత్వెస్ట్ గ్రిడ్ ఫర్ లెర్నింగ్ అనే చారిటీ ఈ హెల్ప్ లైన్ నిర్వహిస్తోంది.
బాధితుల నుంచి వచ్చిన ఫిర్యాదుల మేరకు ఇంటర్నెట్ నుంచి 22,515 ఫొటోలను ఈ సంస్థ తొలగించింది.
- కరోనావైరస్తో కరువు బారిన పడనున్న 50 కోట్ల ప్రజలు - ఐక్య రాజ్య సమితి నివేదిక
- తెలంగాణ కొత్త రెవెన్యూ చట్టం: మీ భూమి సమస్యకు ఎవరి దగ్గరకు వెళ్లాలి? మీ భూమి మీదేనని అధికారికంగా ఎవరు చెప్తారు?
''లాక్డౌన్ వల్ల తీవ్ర పరిణామాలు చోటుచేసుకుని, అవి కొత్త సమస్యలకు దారితీస్తున్నాయి'' అన్నారు యూకే సేఫర్ ఇంటర్నెట్ సెంటర్ డైరెక్టర్ డేవిడ్ రైట్.
ఈ ఏడాది కేసులు విపరీతంగా పెరిగాయని.. ఇదే సగటు స్థిరపడిపోతుందా అన్న ఆందోళన కలుగుతోందని అన్నారు.
ఉమెన్స్ ఎయిడ్ సంస్థ గుర్తించిన గృహహింస కేసుల్లో 60 శాతం మంది ఈ కరోనా మహమ్మారి తీవ్రంగా ఉన్న సమయంలో తమ భాగస్వామి నుంచి ఎదుర్కొన్న వేధింపులు అత్యంత దారుణంగా ఉన్నాయని చెప్పారు.
''ప్రయివేట్ సెక్సువల్ చిత్రాలు బయటపెట్టడం.. బయటపెడతామని బెదిరించడం ఇటీవల కాలంలో ఎక్కువగా ఉందని.. వేధింపుల్లో ఇలాంటివి ఎక్కువ ఉంటున్నాయని.. ముఖ్యంగా యువతులు దీనికి బలవుతున్నారని ఉమెన్స్ ఎయిడ్ సంస్థ పాలసీ మేనేజర్ లూసీ హాడ్లీ అన్నారు.
'ఆశ్చర్యమేమీ లేదు’
2014లో ఫొలామీ ప్రహాయే మాజీ భాగస్వామి ఆమెకు సంబంధించిన సెక్సువల్ చిత్రాలను ఆన్లైన్లో పెట్టారు.
వేధింపులు, అభ్యంతరకర చిత్రాలు షేర్ చేసిన నేరంపై ఆయనకు ఆరు నెలల జైలు శిక్ష పడింది.
ఆన్లైన్ వేదికగా సంబంధాలు ఏర్పరుచుకోవాలని ఒత్తిళ్లు పెరుగుతున్న ఈ లాక్డౌన్ సమయంలో ఇలాంటి కేసులు పెరగడంలో ఆశ్చర్యమేమీ లేదని అన్నారు ఫొలామీ.
''ఈ సమస్య ఎప్పుడూ ఉంది. లాక్డౌన్ వల్ల అదింత మరింత స్పష్టంగా బయటపడుతోంది'' అన్నారామె.
ఇవి కూడా చదవండి:
- మోదీ ప్రభుత్వం చైనా బ్యాంక్ నుంచి కోట్ల డాలర్ల రుణం తీసుకుందా? నిజం ఏంటి? - BBC Fact Check
- జంతువుల్లో సూపర్ డాడ్స్: మగ జంతువుల్లో సంతానోత్పత్తిని పెంచుతున్న జన్యు సవరణలు
- ఆస్ట్రా జెనెకా క్లినికల్ ట్రయల్స్ ఎందుకు ఆగిపోయాయి ?
- కరోనావైరస్: వ్యాక్సీన్ ఎప్పుడు వస్తుంది? దాని ధర ఎంత?
- కరోనావైరస్-రష్యా: 'మా వ్యాక్సిన్ పనిచేస్తోంది.. సైడ్ ఎఫెక్టులు పెద్దగా లేవు’
- నేటి నుంచి ఐపీఎల్ 2020... ఖాళీ స్టేడియాల్లో మ్యాచ్లు ఆడుతుంటే, టీవీల్లో చూసే జనాలకు ఆసక్తి ఉంటుందా?
- అనారోగ్యమే ఆమెకు అంతర్జాతీయ వ్యాపార సంస్థను స్థాపించేందుకు స్ఫూర్తినిచ్చింది
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)