• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అతను పాడితే.. గాడిద గొంతు కలిపింది.. ఫన్నీ వైరల్ వీడియో..!

|

సౌత్ కరోలినా : ఎవరైనా కీచు గొంతుతో పాడుతుంటే.. ఆపరా నీ నస.. నీ పాటకు గాడిదలు కూడా పారిపోతాయిరా అంటూ ఫ్రెండ్స్‌ను ఎగతాళి చేసే సన్నివేశాలు చూసి ఉంటాము. అయితే సౌత్ కరోలినాలో జరిగిన ఓ ఫన్నీ ఇన్సిడెంట్ చూస్తే మాత్రం నోరెళ్లబెట్టాల్సిందే. ఎందుకంటే ఓ పెట్ గాడిద తన యజమాని పాడుతుంటే గొంతు కలిపింది. మామూలుగా ఓండ్రు పెట్టినట్లు కాకుండా అదో మ్యూజిక్ సెన్స్‌లా తనకు అనిపించిందంటూ సదరు యజమాని ఫేస్‌బుక్‌లో పెట్టిన సదరు వీడియో తెగ వైరల్‌గా మారింది.

సౌత్ కరోలినాకు చెందిన ట్రావిస్ కిన్లే ఓ పాట పాడారు. అయితే ఆయన పాడుతుంటే అందుకు అనుగుణంగా తన పెంపుడు గాడిద గొంతు కలిపింది. నువ్వొక్కడివే పాడతావా.. నేను సైతం అంటూ లైన్లోకి వచ్చింది. అలా కిన్లే పాడుతుంటే ఇలా గాడిద కూడా గొంతెత్తింది. ఆ ఫన్నీ వీడియో ప్రపంచవ్యాప్తంగా వైరల్ కావడం చర్చానీయాంశమైంది.

Man sings Lion King song with donkey in viral video

లయన్‌ కింగ్‌ సినిమా ఓపెనింగ్‌ సాంగ్‌ ''అకూన మటాట'' పాటను కిన్లే పాడుతుంటే.. యజమానికి తోడు అన్నట్లు ఆ పెంపుడు గాడిద గొంతు కలిపింది. ఇక్కడో ట్విస్ట్ ఏంటంటే.. వాస్తవానికి కిన్లేకు సదరు గాడిదతో పాటు గుర్రం కూడా పెట్‌గా ఉంది. అయితే ఈ వీడియోలో గాడిద స్పందించి యజమాని పాట పాడుతుంటే తన గొంతు సవరించింది. కానీ గుర్రం మాత్రం స్పందించలేదట.

యజమాని పాడుతుంటే గాడిద పాట పాడిందో.. అది దాని భాషలో ఏమి అరిచిందో తెలియదు గానీ.. కిన్లే మాత్రం తాను పాడుతుంటే పెట్ డాంకీ గొంతు కలిపిందని తెగ సంబరపడిపోతూ ఆ వీడియో ఫేస్‌బుక్‌లో పోస్ట్ చేశాడు. అది కాస్తా వైరల్‌గా మారి దాదాపు 2 మిలియన్లకు పైగా వ్యూస్ సాధించింది. అంతేకాదు 60 వేల షేర్లు కావడం ప్రాధాన్యత సంతరించుకుంది.

English summary
Travis Kinley from South Carolina posted a video on his Facebook page of singing song, his pet donkey followed by him.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X