షాక్: 3 గంటలపాటు ఏటీఎంరూమ్లోనే , కాపాడిన పోలీసులు
ఏటిఎంలో చిక్కుకొన్న ఓ వ్యక్తిని సురక్షితంగా రక్షించారు. ఏటిఎంలో నుండి డబ్బులతోపాటు బయటకు వచ్చే రశీదులపై తనను రక్షించండంటూ బాధితుడు రాసిన స్లిప్పులు ఆయనను కాపాడేందుకు దోహదపడ్డాయి.
టెక్సాస్: ఏటిఎంలో చిక్కుకొన్న ఓ వ్యక్తిని సురక్షితంగా రక్షించారు. ఏటిఎంలో నుండి డబ్బులతోపాటు బయటకు వచ్చే రశీదులపై తనను రక్షించండంటూ బాధితుడు రాసిన స్లిప్పులు ఆయనను కాపాడేందుకు దోహదపడ్డాయి. ఈ ఘటన అమెరికాలోని టెక్సాస్లో చోటుచేసుకొంది.
అమెరికా టెక్సాస్లోని కార్పన్క్రిస్టీ ప్రాంతంలోని బ్యాంక్ ఆఫ్ అమెరికా కేంద్రంలోని ఏటిఎం కేంద్రంలో ఎలక్ట్రానిక్లాక్ను మార్చేందుకు ఓ కార్మికుడు ఏటీఏం అమర్చిన గదిలోకి వెళ్ళాడు. అయితే ఇంతలో అనుకోకుండా ఏటిఎం అమర్చిన గదిలో చిక్కుకుపోయాడు.
అతను తన మొబైల్ఫోన్ను తన ట్రక్కులోనే మర్చిపోయాడు. తాను ఎలా బయటపడాలనే విషయమై అర్ధంకాలేదు. రెండు గంటలు గడిచిపోయాయి. చివరికి ఓ ఉపాయం తట్టింది.
ఏటిఎం నుండి బయటకు వచ్చే రశీదులపై తనను రక్షించండంటూ రాసి బయటకు పంపాడు. ఏటిఎం యంత్రంలో చిక్కుకొన్నాను. నా బాస్ ఫోన్ నెంబర్ అంటూ రాశాడు.
తొలుత ఈ ఏటిఎం వద్ద డబ్బులు తీసుకొనేందుకు వచ్చినవారు దీన్ని తేలికగా తీసుకొన్నారు. కానీ,ఏటిఎం నుండి అరుపులు రావడాన్ని గమనించారు. వెంటనే పోలీసులకు సమాచారమిచ్చారు. పోలీసులు డోర్ను తెరిపించి అతడిని బయటకు తీసుకువచ్చారు.