భారీ కాన్వాయ్‌తో వచ్చి ప్రియురాలికి ప్రపోజ్: అరెస్ట్

ఇస్తాంబుల్: ఓ యువకుడు తన ప్రియురాలికి చాలా వైవిధ్యంగా ప్రపోజ్ చేయాలకున్నాడు.అంతవరకూ బాగానే ఉంది. అందుకు ఎంచుకున్న విధానం మాత్రం ఆ యువకుడిని జైలుకెళ్లేలా చేసింది. ఈ ఘటన టర్కీలోని ఇస్తాంబుల్‌లో చోటు చేసుకుంది.

వివరాల్లోకి వెళితే.. ఓ వ్యక్తి తన స్నేహితురాలి ముందు వినూత్నంగా పెళ్లి ప్రస్తావన తీసుకురావాలని భావించాడు. ప్రపోజ్ చేసేందుకు జాతీయ రహదారిపై తన స్నేహితులతో కలసి ఏడు కార్ల కాన్వాయ్‌తో వచ్చి వాటిని అడ్డంగా నిలిపాడు.

దీంతో ఆ మార్గంలో వాహనాల రాకపోకలకు అంతరాయం ఏర్పడింది. భారీగా వాహనాలు నిలిచిపోయాయి. కాగా, అక్కడున్న వారు ఎవరూ అప్పటికప్పుడు పోలీసులకు ఫిర్యాదు చేయలేదు కానీ, ఈ ఉదంతాన్ని వీడియో తీసి సామాజిక మాధ్యమాల్లో పెట్టారు.

వీటితో పాటు, అక్కడి సీసీటీవీ ఫుటేజీల్లో కూడా ఈ సంఘటన రికార్డు చేయబడింది. ట్రాఫిక్‌కు అంతరాయం ఏర్పర్చి ప్రజలకు ఇబ్బంది కల్గించినందుకు ఫుటేజీని పరిశీలించిన పోలీసులు ఆ యువకుడిని, అతడి స్నేహితులను అదుపులోకి తీసుకున్నారు. వారి డ్రైవింగ్ లైసెన్సులను తాత్కాలికంగా స్వాధీనం చేసుకున్నారు.

English summary

As displays of love go, it would be hard to top that of an unnamed Turkish man who created a traffic jam so he could propose marriage.