కెమెరాకు చిక్కిన ఆకాశంలో అద్భుతం(వీడియో)
న్యూయార్క్: ఆకాశంలో ఎన్నో అద్భుతాలు జరుగుతుంటాయి. కానీ, మనం అన్నింటినీ చూడలేం. తాజగా, ఆకాశంలో జరిగిన అద్భుత దృశ్యాలు పోలీసుల డ్యాష్ కెమెరాకు చిక్కాయి. మంగళవారం అర్ధరాత్రి 12.50 గంటల సమయంలో జరిగిన ఈ అద్భుతాన్ని తమ కెమెరాలో బంధించారు.
ఇద్దరు పోలీసు అధికారులు మాట్లాడుకుంటున్నారు. ఇంతలో దూరంగా స్పీడ్గా వెళుతున్న వాహనాల్ని చిత్రీకరించడానికి వారిలో ఒకతను తన డాష్బోర్డు కెమెరా తీసి అటువైపు తిప్పాడు. ఇంతలో ఆకాశంలో ఆ అద్భుతం చోటు చేసుకుంది.
నిప్పులు చిమ్ముతూ అగ్నిగోళాలు విశ్వం నుంచి భూమివైపుగా రాలిపడ్డాయి. దీంతో వెలువడిన ప్రకాశవంతమైన మెరుపు చాలా స్పష్టంగా కెమెరాలో చిక్కింది. అమెరికాలో, కెనడాలోని కొన్ని ప్రాంతాల్లో ఈ అద్భుతం కనిపించింది. బహుశా ఒక ఉల్క రాలిపడిపోతూ భూ ఆవరణం సమీపంగా వచ్చి ఉంటుందని అంతరిక్ష నిపుణులు భావిస్తున్నారు.
This is the moment a huge meteor was captured on a police dashcam crashing to Earth https://t.co/gbWNXOoIo1https://t.co/vn58dJcnqT
— ITV News (@itvnews) 18 May 2016
పోర్ట్లాండ్ సెంట్రల్ ఫైర్ స్టేషన్కు చెందిన పోలీసు అధికారి టిమ్ ఫరీస్ కెమెరాలో ఈ అద్భుతం చిక్కింది. అదే సమయంలో ఆయనతోపాటు ఉన్న మరో అధికారి గ్రహం హల్ట్స్ 'ఓ మై గాడ్' అని అనడం ఈ వీడియోలో వినిపిస్తోంది.
నిజానికి ఈ అంతరిక్ష అద్భుతాన్ని ఈ ఇద్దరు పోలీసు అధికారులే కాదు, మైనీ, వెర్మోంట్, న్యూహాంప్షైర్, మసాచుసెట్స్, రోడె ఐలాండ్, కనెక్టికట్, న్యూయార్క్, న్యూజెర్సీ, పెన్సిల్వేనియా, కెనడాలోని కొన్ని ప్రాంతాల్లో వందలమంది చూశారు. చాలామంది ఈ అద్భుతాన్ని తమ కెమెరాలో బంధించి యుట్యూబ్లో పోస్టు చేశారు.