మనిషా? మృగమా?: మాజీ భార్యను చంపి.. ముక్కలు చేసి.. కుక్కర్లో ఉడికించి...
ఓ వ్యక్తి తన మాజీ భార్యను హతమార్చడమే కాదు.. ఆమె శరీరాన్ని ముక్కలు ముక్కలుగా చేశాడు. అంతటితో ఊరుకోకుండా శరీరం సగ భాగాన్ని కుక్కర్లో ఉడికించాడు. మిగిలిన భాగాలను ఫ్రిజ్లో పెట్టి.. పరారయ్యాడు.
మెక్సికో: ఓ వ్యక్తి తాను మనిషిననే విషయాన్నే మరిచిపోయి.. క్రూరమృగంలా.. కర్కశత్వంగా తన మాజీ భార్యను అత్యంత దారుణంగా హతమార్చాడు. హతమార్చడమే కాదు.. ఆమె శరీరాన్ని ముక్కలు ముక్కలుగా చేశాడు.
12 ఏళ్ల విద్యార్థినిని ఆరు రోజుల పాటు 14 మంది తోటి విద్యార్థులు...
పెద్దలు అడ్డుచెప్పారని పెట్రోల్ పోసుకుని నిప్పంటించుకున్న ప్రేమజంట!
అంతటితో ఊరుకున్నాడా.. లేదు.. ఆమె శరీరం సగ భాగాన్ని కుక్కర్లో ఉడికించాడు. మిగిలిన భాగాలను ఫ్రిజ్లో పెట్టి.. అక్కడి నుంచి పరారయ్యాడు. ఒళ్లు గగుర్పొడిచేలా, భయానకంగా ఉన్న ఈ ఘటన మెక్సికోలో చోటుచేసుకుంది.
అక్కడి అధికారులు తెలిపిన వివరాల ప్రకారం.. మగ్డలీనా(28), సెసర్ లోపేజ్ వివాహం చేసుకున్నారు. వీరికి ఇద్దరు పిల్లలు ఉన్నారు. అయితే ఇద్దరి మధ్య పొసగకపోవడంతో కొంతకాలం క్రితం విడాకులు తీసుకున్నారు. అప్పటి నుంచి వేరువేరుగానే ఉంటున్నారు.
పిల్లలు మాత్రం అప్పుడప్పుడు తండ్రి లోపేజ్ వద్దకు వెళ్లి వస్తుంటారు. ఎప్పటిలాగే కొద్దిరోజుల కిందట మగ్ధలీనా పిల్లలు తమ తండ్రి వద్దకు వెళ్లారు. దీంతో వారిని తీసుకువచ్చేందుకు జనవరి 13న మగ్డలీనా తాను ఉండే టాక్స్ కో నగరం నుంచి తన మాజీ భర్త సెసర్ లోపేజ్ నివాసానికి వెళ్లింది.
అలా వెళ్లిన ఆమె తిరిగి ఇంటికి రాలేదు. దీంతో అనుమానం వచ్చిన ఆమె కుటుంబ సభ్యులు పోలీసులుకు ఫిర్యాదు చేశారు. పోలీసులు లోపేజ్ ఇంటికి వెళ్లి పరిశీలించారు. అక్కడ వారికి భయానక దృశ్యం కనిపించింది.
మగ్డలీనా శరీరం ముక్కలు ముక్కలుగా చేయబడి.. కొంత భాగం ఫ్రిజ్లో పెట్టి కనిపించింది. మరికొంత శరీర భాగం ప్రెషర్ కుక్కర్లో ఉడికించి ఉంది. ఈ ఘాతుకానికి ఆమె మాజీ భర్తే పాల్పడినట్లు పోలీసులకు అర్థమైంది. ఈ ఘటనపై కేసు నమోదు చేసుకుని, పరారీలో ఉన్న లోపేజ్ కోసం వారు గాలిస్తున్నారు.