వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

పగబట్టిన ప్రకృతి... మెక్సికోలో మళ్లీ భూకంపం, తీవ్రత 6. 2గా నమోదు

రెండు వరుస భూకంపాల ప్రభావం నుంచి ఇంకా కోలుకోకముందే మెక్సికోలో శనివారం మరోసారి భూమి కంపించింది. రిక్టర్‌ స్కేలుపై దీని తీవ్రత 6.2గా నమోదైనట్లు అమెరికా జియోలాజికల్‌ సర్వే అధికారులు వెల్లడించారు.

By Ramesh Babu
|
Google Oneindia TeluguNews

మెక్సికో: భూ కంపాల ధాటికి మెక్సికో వణుకుతోంది. కేవలం రోజుల వ్యవధిలోనే సంభవించిన రెండు వరుస భూకంపాల ప్రభావం నుంచి ఇంకా కోలుకోకముందే శనివారం మరోసారి భూమి కంపించింది.

రిక్టర్‌ స్కేలుపై దీని తీవ్రత 6.2గా నమోదైనట్లు అమెరికా జియోలాజికల్‌ సర్వే అధికారులు వెల్లడించారు. చియాపస్‌లోని శాన్‌ లుక్వెనోకు 48 కిలోమీటర్ల దూరంలో భూకంప కేంద్రం ఉన్నట్లు గుర్తించారు. అయితే ఆస్తి, ప్రాణ నష్టానికి సంబంధించిన వివరాలు ఇంకా తెలియరాలేదు.

mexico-earthquake

ఇటీవల ప్రకృతి ప్రకోపానికి మెక్సికో విలవిల్లాడిపోయింది. రోజుల వ్యవధిలో వరుస భూకంపాలు సంభవించిన ఆ దేశాన్ని అతలాకుతలం చేశాయి. ఈ నెల 8న 8.2 తీవ్రతతో అతిశక్తిమంతమైన భూప్రకంపనలు చోటుచేసుకున్నాయి. ఈ ఘటనలో 92 మందికి పైగా ప్రాణాలు కోల్పోయారు.

ఆ తర్వాత 11 రోజులకు మరోసారి 7.1 తీవ్రతతో భూమి కంపించింది. వందల సంఖ్యలో భవనాలు నేలమట్టమయ్యాయి. ఇప్పటివరకు 250 మందికి పైగా ప్రాణాలు కోల్పోయారు. శిథిలాల కింద చిక్కుకున్న వారిని కాపాడేందుకు ఇప్పటికీ సహాయకచర్యలు కొనసాగుతూనే ఉన్నాయి.

తాజాగా శనివారం కూడా భూమి కంపించడంతో మెక్సికో వాసులు వణికిపోతున్నారు. తమపై ప్రకృతి పగబట్టిందంటూ వాపోతున్నారు.

English summary
A new earthquake with a magnitude of 6.1 has hit Mexico, just days after another devastating tremor left 295 people dead. The US Geological Survey said it was centered about 11 miles (18km) south-southeast of Matias Romero in the southern state of Oaxaca.Details on damage or injuries are not immediately clear. Buildings swayed and a seismic alarm was set off in the capital, Mexico City, where rescuers have been trying to reach people who remain buried in rubble from Thursday's quake. Those rescuers have been forced to suspend their efforts. Southern Mexico was hit on 7 September by a huge magnitude of 8.1 tremor.The total death toll from the first two earthquakes is thought to be over 400.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X