డ్రగ్ మాఫియా: మహిళా మేయర్ దారుణ హత్య
మెక్సికో: మేయర్గా ప్రమాణ స్వీకారం చేసిన కొద్ద గంటల్లోనే ఓ మహిళ దారుణ హత్యకు గురయ్యారు. ఈ ఘటన మెక్సికో నగరానికి 90 కిలోమీటర్ల దూరంలో ఉన్న టెమిక్సోలో చోటుచేసుకుంది.
వివరాల్లోకి వెళితే.. గిసెలా మోటా(33) మెక్సికో మేయర్గా శుక్రవారం బాధ్యతలు స్వీకరించారు. అయితే ప్రమాణ స్వీకారం చేసిన వెంటనే గిసెలా మాట్లాడుతూ.. మాదక ద్రవ్యాల సరఫరాతో పాటూ నేరాల సంఖ్య ఇటీవలి కాలంలో విపరీతంగా పెరగాయనీ, వీటితో సంబంధం ఉన్న నేరస్తుల ఆటకట్టిస్తానని హామీ ఇచ్చారు.
ప్రమాణ స్వీకారం జరిగిన 24 గంటల్లోపే (శనివారం) నలుగురు దుండగులు గిసెలా ఆఫీసులోకి అకస్మాత్తుగా చొరబడి తుపాకులతో విచక్షణారహితంగా కాల్పులు జరిపారు. దీంతో గిసెలా మోటో అక్కడికక్కడే మృతి చెందారు.
అప్రమత్తమైన పోలీసులు ఈ ఘాతుకానికి పాల్పడిన ఇద్దరిని కాల్చి చంపేశారు. మరో ఇద్దర్ని పోలీసులు తమ కస్టడీలోకి తీసుకున్నారు. కాగా, డ్రగ్స్ సరఫరా, కిడ్నాప్, హత్యలు లాంటి క్రైంలు మెక్సికోలోని మోరెలాస్లో గత కొన్నేళ్లుగా తీవ్రంగా పెరిగిపోయాయి.