మొజాంబిక్ దగ్గర్లో ఎంహెచ్ 370 విమాన శకలాలు!

వాషింగ్టన్: రెండేళ్ల క్రితం అదృశ్యమైన ఎంహెచ్ 370 విమాన శకలాలు పశ్చిమ ఆఫ్రికా తీరంలో దొరికే అవకాశం ఉందని ఎన్బీసీ వార్తా సంస్థ వాషింగ్టన్‌లోని తన నివేదికలో వెల్లడించింది. ఆ విమాన శకలాలు ముజాంబిక్, మెడగాస్కర్ మధ్య లభించవచ్చునని ఆశాభావం వ్యక్తం చేసింది.

ఆ ప్రాంతంలో ఎంహెచ్ 370 విమాన శిథిలాలకు సంబంధించిన చిత్రాలను అమెరికా, మలేషియా, ఆస్ట్రేలియా నావికులు గుర్తించినట్లుగా తెలిపింది. ఈ ప్రాంతంలో ఎంహెచ్ 370కి చెందిన పొడవైన విభాగానికి చెందిన వస్తువును ఎన్బీసీ పేర్కొంది.

అయితే ఈ నివేదికను రాయటర్స్ ధృవపరచలేదు. మొజాంబిక్ అధికారులు కూడా.. ఆ ప్రాంతంలో విమాన శిథిలాలు దొరికినట్లు సమాచారం లేదని హోంమంత్రిత్వ శాఖ అధికార ప్రతినిధి చెప్పారు.

కాగా, 2014 మార్చి 8వ తేదీన ఎంహెచ్ 370 విమానం మలేషియా రాజధాని కౌలాలంపూర్ నుంచి చైనా రాజధాని బీజింగ్ వెళ్తూ గల్లంతైన విషయం తెలిసిందే. ఈ విమానంలో 225 మంది ప్రయాణీకులు, 12 మంది విమాన సిబ్బంది ఉన్నారు.

English summary

A piece of debris found along the eastern African coast between Mozambique and Madagascar may be from the tail section of the Malaysia Airlines plane that disappeared two years ago, NBC News reported today.