ఘోరం: బాలికపై లైంగిక వేధింపులు.. ఫేస్ బుక్ లో లైవ్.. చూశారుకానీ ఒక్కళ్లూ ఫిర్యాదు చేయలేదు

ఓ బాలికపై జరుగుతున్న లైంగిక వేధింపులను ఫేస్ బుక్ లైవ్ లో ఓ డజను మంది కళ్లప్పగించి మరీ చూశారు కానీ, వాళ్లలో ఒక్కళ్లు కూడా పోలీసులకు ఫిర్యాదు చేయలేదు.

చికాగో: ఒక బాలికపై లైంగిక వేధింపులు జరుగుతుంటే కళ్లప్పగించి చూశారు కానీ, చూసిన వాళ్లలో ఒక్కళ్లు కూడా పోలీసులకు ఫిర్యాదు చేయలేదు. ఇంతకన్నా ఘోరమైన విషయం ఇంకేదైనా ఉంటుందా? మనుషుల్లో మానవత్వం చచ్చిపోయిందా? కనీస బాధ్యత కూడా లేదా? అనిపిస్తుంది ఈ వార్త చదివితే.

అమెరికాలోని చికాగో నగరంలో ఓ బాలిక(15)పై పలువురు వ్యక్తులు లైంగిక హింసకు పాల్పడ్డారు. ఆ ఘటన ప్రముఖ సామాజిక మధ్యమం ఫేస్ బుక్ లో లైవ్ ఫీచర్ ద్వారా ఆన్ లైన్ లో ప్రత్యక్ష ప్రసారం కూడా జరిగింది.

ఒక డజను మంది ఆ అమ్మాయిపై జరుగుతున్న లైంగిక దాడిని చూస్తూ ఉండిపోయారేకానీ.. కనీసం 911కు డయల్ చేసి ఫిర్యాదు చేద్దామని ఒక్కరికీ అనిపించలేదు. ఈ విషయాన్ని పోలీసులే వెల్లడించారు. మనం పోలీసులను కరుడుగట్టిన వాళ్లలా చూస్తాం కానీ ఈ ఘటనపై వాళ్లు ఫీలయినంతగా లైవ్ చూసిన వ్యక్తులు ఫీలవలేదు.

సదరు బాలికపై లైంగిక దాడికి పాల్పడిన వ్యక్తుల కోసం తీవ్రంగా గాలిస్తున్నట్లు చికాగో పోలీస్ అధికారి ఆంటోనీ తెలిపారు. షాపుకు వెళ్లడం కోసం ఇంటి నుంచి బయటికి వెళ్లిన ఆ అమ్మాయి అదృశ్యమైనట్లు బాధితురాలి కుటుంబ సభ్యులు తెలిపారు.

వారి ఫిర్యాదు మేరకు గాలింపు చేపట్టిన పోలీసులు చివరికి ఆ బాలికను గుర్తించి కుటుంబ సభ్యులకు అప్పగించారు. క్రిమినల్ లైంగిక నేరం కింద కేసు నమోదు చేసి ఈ అఘాయిత్యానికి పాల్పడిన వ్యక్తుల కోసం గాలిస్తున్నామని కేసు దర్యాప్తు చేస్తున్న పోలీసు అధికారులు తెలిపారు.

English summary

Police are investigating after the family of a missing Chicago teen says she was sexually assaulted on Facebook Live, according to KTLA sister station WGN. Family members and friends of the 15-year-old say they saw her on a video being sexually assaulted by several boys. The teen ‘s mother Stacey Elkins says she’s distraught and worried because it’s been more than 24 hours since she last saw her daughter. The Lane Tech High School freshman left home Sunday afternoon to go to the store and never came back.