Click it and Unblock the Notifications
Just In
Don't Miss
-
సారీ బ్రదర్.. కావాలని కొట్టలేదు - పంత్ ఎమోషనల్ Video -
Nestle India: అదిరిపోయే లాభాలు ప్రకటించిన నెస్లే ఇండియా.. -
Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు -
కొత్త బాయ్ఫ్రెండ్తో మృణాల్ థాకూర్.. సీత మనసు దోచుకొన్న ఎవరీ యంగ్ హీరో అంటే? -
వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం -
వేసవిలో మైగ్రేన్ తలనొప్పి ఎందుకు పెరుగుతుంది, లక్షణాలు, ఉపశమనం ఎలా పొందాలో తెలుసుకోండి -
కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
మోడర్నా వ్యాక్సిన్‌ గుడ్‌న్యూస్‌- కరోనా నుంచి కనీసం మూడు నెలలు గ్యారంటీ సేఫ్
అమెరికన్ ఫార్మా దిగ్గజం మోడర్నా తయారు చేస్తున్న కరోనా వ్యాక్సిన్‌ పై భారీ అంచనాలున్నాయి. అమెరికాలో బైడెన్ సర్కారు కూడా దీన్ని సాధ్యమైనంత త్వరగా ప్రజల్లోకి అందుబాటులోకి తీసుకొచ్చేందుకు తీవ్ర ప్రయత్నాలు చేస్తోంది. ఈ నేపథ్యంలో వ్యాక్సిన్‌ సమర్ధతపై చాలా అధ్యయనాలు జరుగుతున్నాయి. వీటిలో తాజా అధ్యయనం మోడర్నా వ్యాక్సిన్‌ కనీసం మూడు నెలల పాటు కరోనాకు వ్యతిరేకంగా సమర్ధంగా పనిచేస్తుందని తేలింది.
అమెరికాలోని నేషనల్ ఇన్‌స్టిట్యూట్ ఆఫ్‌ అలర్జీస్‌ అండ్‌ ఇన్‌ఫెక్షనల్ డిసీజెస్‌ (ఎన్‌ఏఐడీ) మోడర్నా వ్యాక్సిన్‌పై పరిశోధన చేసింది. ఇందులో మోడర్నా వ్యాక్సిన్‌ శరీరంలో రోగనిరోధకాలను పెంచేందుకు కనీసం మూడు నెలలపాటు సమర్ధవంతంగా పనిచేస్తందని నిర్ధారించింది. 28 రోజుల వ్యవధిలో వివిధ వయోవర్గాలకు చెందిన 34 మందిపై నిర్వహించిన క్లినికల్‌ ట్రయల్స్‌లో ఈ విషయం తేలినట్లు మోడర్నాతో కలిసి ఈ అధ్యయనం చేస్తున్న ఎన్‌ఏఐడీ శాస్త్రవేత్తల బృందం తెలిపింది. ఎంఆర్‌ఎన్‌ఏ 1273గా పిలుస్తున్న మోడర్నా వ్యాక్సిన్‌ పనితీరుపై తాజాగా వీరు వ్యక్తం చేసిన అభిప్రాయాలు న్యూ ఇంగ్లాడ్‌ జర్నల్‌ ఆఫ్‌ మెడిసిన్‌లో ప్రచురించారు.
మోడర్నా వ్యాక్సిన్‌పై నిర్వహిస్తున్న క్రినికల్‌ ట్రయల్స్‌లో ఇది వృద్ధుల కంటే యువకుల మీద ఎక్కువ ప్రభావవంతంగా పనిచేస్తుందని నిర్ధారణ అయింది. 70 ఏళ్ల పైబడిన వారితో పోలిస్తే అంత కంటే తక్కువ వయసు కలిగిన వారిలో ఇది ఎక్కువ రోగనిరోధకాలను ఉత్పత్తి చేస్తున్నట్లు తేలింది. ట్రంప్‌ హయాంలో ఎన్‌ఏఐడీ డైరెక్టర్‌గా పనిచేసిన ఆంటోనీ ఫాసీని ఆయన లెక్క చేయలేదు. కానీ ఇప్పుడు ఆయన సూచనల ప్రకారమే బైడెన్ నడుచుకుంటున్నారు. దీంతో ఎన్‌ఐఏడీ అధ్యయనం ప్రాధాన్యం సంతరించుకుంది.
