అల్లరి పిడుగు: పోప్తోనే గేమ్స్ ఆడిన ఈ చిన్నారి వీడియో వైరల్ అవుతోంది
సాధారణంగా మతపెద్దలు లేదా మత ప్రవక్తలు సీరియస్గా ఒక వేదికపై ప్రసంగిస్తుండగా చిన్న డిస్టర్బెన్స్ అయితే సహించలేరు. కొన్ని సార్లు నిర్వాహకులపై ఆగ్రహం కూడా వ్యక్తం చేస్తుంటారు. మరికొన్ని చోట్ల ఎవరైనా అడ్డు తగిలితే వారిని మందలిస్తుంటారు. అది చిన్నపిల్లలైనా కానివ్వండి..పెద్ద పిల్లలైనా కానివ్వండి. అదే ప్రపంచ ప్రఖ్యాత గాంచిన పోప్ ప్రసంగం అప్పుడు అడ్డుపడితే పరిస్థితి ఎలాగుంటుంది..? ఆయన ఇంకెత్త శివాలెత్తి పోయిండాలి...
వాటికన్ సిటీలో ఓ సమావేశాన్ని ఉద్దేశించి ప్రసంగించేందుకు పోప్ ఫ్రాన్సిస్ వేదికపై ఆశీనులై ఉన్నారు. సమావేశానికి చాలామంది హాజరయ్యారు. సరిగ్గా వేదికపైకి ఓ ఐదేళ్ల బాలుడు వచ్చాడు. అప్పటి వరకు తల్లి ఒడిలో ఉన్న బాలుడు ఒక్కసారిగా తల్లి చేతుల నుంచి విడిపించుకుని ఏకంగా వేదికపైకి వచ్చాడు. నేరుగా పోప్ వెనక కాపలాగా నిల్చున్న వ్యక్తి దగ్గరకు వెళ్లి అతన్ని నిమిరి చూశాడు. అనంతరం పోప్ దగ్గరకు వెళ్లాడు. ఆలోపు తల్లి వేదికపైకి వచ్చి బాలుడిని తీసుకెళ్లే ప్రయత్నం చేసింది. కానీ నేను రానంటే రాను అని చెప్పి మళ్లీ వేదికపై కలియతిరిగాడు. పోప్ ఆనందంతో పిల్లాడిని అలానే చూస్తుండిపోయారు. పిల్లాడి తల్లి క్షమించాల్సిందిగా పోప్ను కోరింది. అంతేకాదు పిల్లాడు మాట్లాడలేడని... మూగవాడని తల్లి చెప్పింది. అయితే తన ప్రసంగంలో పోప్ చెబుతూ పిల్లాడు మూగవాడైనప్పటికీ తన భావాల ద్వారా మాట్లాడుతున్నాడని చెప్పారు.
Touching moment at today's General Audience when an Argentinean mother explains that her little boy who ran up on the stage is mute, ”leave him” the Pope says, before telling the crowd that we should all be "free as little children" and to pray for the boy, that he may speak. pic.twitter.com/Vmv3z0mId2
— Catholic Sat (@CatholicSat) November 28, 2018
అబ్బాయి ఇంత స్వేచ్ఛగా తిరుగుతుంటే తన తల్లి ఆ బుడ్డోడిని క్రమశిక్షణలో ఉంచేందుకు ప్రయత్నించగా... పోప్ వారించారు. అబ్బాయిని వదిలేయాల్సిందిగా చెప్పడంతో తల్లి బాలుడిని వేదికపైనే వదిలి కిందకు దిగింది. దీంతో బాలుడు మళ్లీ వేదికపై తన ఆటలను కొనసాగించాడు. ఆ బాలుడికి మాటలు ఇవ్వాల్సిందిగా అంతా ప్రార్థన చేద్దామని పోప్ చెప్పడంతో అక్కడికి వచ్చిన ఏడువేల మంది ప్రార్థనలో ఏకీభవించారు. ప్రస్తుతం ఆ వీడియో సోషల్ మీడియాలో వైరల్ అవుతోంది.