• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బీచ్ ఒడ్డున వింత జీవి కళేబరం... ఏమై ఉంటుంది... జుట్టు పీక్కుంటున్న నెటిజన్స్...

|

బ్రిటన్‌లోని లివర్‌పూల్‌ పట్టణంలో ఉన్న మెర్సీసైడ్ బీచ్‌కి కొట్టుకొచ్చిన 15 అడుగుల ఓ వింత జీవి కళేబరం చాలామందిని ఆశ్చర్యానికి గురిచేస్తోంది. కనీసం దాని తల,తోకను కూడా గుర్తుపట్టరాకుండా ఉండటంతో చాలామంది ఇదేంటని తీవ్రంగా ఆలోచిస్తున్నారు. స్థానికులు కొందరు దీన్ని సోషల్ మీడియాలో పోస్టు చేయడంతో నెటిజెన్స్ కూడా దీన్ని గుర్తించేందుకు జుట్టు పీక్కుంటున్నారు.

'అది నాలుగు మొప్పలను కలిగి.. చూసేందుకు చాలా విచిత్రంగా కనిపిస్తోంది. 15 అడుగుల పొడవుతో దాదాపు శరీరంపై ప్రతీచోటా ఎముకలు అతుక్కుని ఉన్నట్లుగా కనిపిస్తోంది. కొన్ని ఎముకలు నాలుగడుగుల పొడవు వరకు ఉన్నాయి.' అని ఓ వ్యక్తి అభిప్రాయపడ్డాడు. ఆ జీవిని చూస్తుంటే... దాని శరీరానికి అదనంగా ఇంకేదో అతుక్కుని ఉన్నట్లుగా కనిపిస్తోందని.. బహుశా అది ప్రసవిస్తూనే మరణించి ఉండవచ్చునని పేర్కొన్నాడు.

Mysterious 15-Foot Creature Found Washed Up On Beach

ప్రస్తుతం సోషల్ మీడియాలో ఈ ఫోటోలు వైరల్‌గా మారాయి. అది షార్క్ అయి ఉండవచ్చునని కొందరు,నీటి గుర్రం అయి ఉంటుందేమోనని మరికొందరు... దాన్ని చూస్తుంటే తిమింగలం దవడ ఎముకలా ఉందని ఇంకొందరు... ఇలా ఎవరికి తోచిన రీతిలో వాళ్లు కామెంట్స్ చేస్తున్నారు. కొంతమంది నెటిజెన్స్ అది ఆవు లేదా గుర్రమై ఉండాలి... లేదా గ్రహాంతర జీవి కావచ్చునమో అని అభిప్రాయపడుతుండటం గమనార్హం.

Mysterious 15-Foot Creature Found Washed Up On Beach
    Huawei 5G Kit Must Be Removed From UK By 2027 || Oneindia Telugu

    బీచ్ ఒడ్డుకు కొట్టుకొచ్చిన ఆ జీవి నుంచి విపరీతమైన దుర్గంధం వస్తోందని... దాన్ని సోషల్ మీడియాలో పోస్ట్ చేసిన 32 ఏళ్ల మహిళ ఒకరు పేర్కొన్నారు. ఆ వాసన కారణంగా తాను అనారోగ్యం పాలైనట్లు చెప్పారు. 'అది ఘోరంగా కుళ్లిపోయింది. దాని శరీరంపై మూడు పెద్ద మట్టిదిబ్బలు ఉన్నట్లుగా ఆకారం ఉంది. చూసేందుకు అవి విచిత్రంగా ఉన్నాయి. చాలాచోట్ల మొప్పలు కనిపిస్తున్నాయి.' అని తెలిపారు. దీని గురించి తెలిసి ఓ అధికారి వచ్చి పరిశీలించారని... కానీ ఆయన దాన్ని గుర్తించలేకపోయారని చెప్పారు. ఆ తర్వాత మెరైన్ బయోలాజిస్టులను సంప్రదించామని... త్వరలోనే వారు దీన్ని పరిశీలించబోతున్నారని చెప్పారు.

    English summary
    A mysterious 15-foot creature has been found washed up on a British beach, leaving locals stunned. According to Liverpool Echo, a man, who asked to remain unnamed, found the "smelly" carcass on Ainsdale beach on Wednesday, July 29.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X