నర్గీస్ ఫక్రీ సెక్సీ ఫోన్ యాడ్: పాక్లో దూమరం
ఇస్లామాబాద్: పాకిస్థాన్ ప్రముఖ ఉర్దూ వార్త పత్రిక జంగ్ ప్రచురించిన ఓ ఫోన్ యాడ్ దూమరం లేపింది. సోషల్ మీడియాలో ఆ ప్రముఖ ఉర్దూ పత్రిక మీద విమర్శల వర్షం కురిపిస్తున్నారు. మీరు వార్త పత్రిక నడుపుతున్నారా ? మేగజైన్ నడుపుతున్నారా అని ప్రశ్నిస్తున్నారు.
బాలీవుడ్ నటి నర్గీస్ ఫక్రీ ఫోటోతో ఓ ఫోన్ యాడ్ ను జంగ్ ఉర్దూ వార్త పత్రిక మెయిన్ పేజీలో ప్రచురించింది. ఆ యాడ్ లో నర్గీస్ ఫక్రీ రెడ్ డ్రస్ వేసుకుని సెక్సీగా కన్పిస్తూ చేతిలో ఫోన్ పెట్టుకుని పడుకుని ఉన్న ఫోటోను మొదటి పేజీలో ప్రచురించారు.
ఈ యాడ్ చూసిన పలువురు పాత్రికేయులతో పాటు సోషల్ మీడియాలో పాక్ ప్రజలు మండిపడుతున్నారు. ఇలాంటి చీఫ్ యాడ్స్ ఉర్దూ వార్త పత్రికలలో కంటే మేగజైన్ లో వేసుకుంటే బాగుంటుందని సలహాలు ఇస్తూ విమర్శలు చేశారు.
పాకిస్థాన్ ఇన్వెస్టిగేటీవ్ జర్నలిస్టు అన్సార్ అబ్బాసీ ఈ యాడ్ ను తీవ్రస్థాయిలో ఖండించారు. ఆయనకు మద్దతుగా పలువురు సోషల్ మీడియాలో గొంతుకలిపారు. ఇప్పుడు నర్గీస్ ఫక్రీ ఫోటో యాడ్ ప్రచురించారు, రేపు సన్నీ లియోన్ ఫోటో ప్రచిరిస్తారేమోనంటూ విమర్శలు చేశారు.
ఈ చౌక త్రీజీ ఫోన్ కు నర్గీస్ ఫక్రీ అందాలకు ఏంటి సంబంధం అని ప్రశ్నించారు. మరి కోందరు జంగ్ పత్రిక ప్రచురించిన యాడ్ చూస్తుంటే ప్లే బాయ్ మేగజైన్ ముఖ చిత్రం కంటే దారుణంగా ఉందని పలువురు మండిపడుతున్నారు.