అమెరికాపై దాడులే మా సమాధానం: ఐరాసకు ఉ.కొరియా సంచలన సమాధానం..

ఈ మేరకు ఉత్తరకొరియాలోని ఐరాస(ఐక్యరాజ్య సమితి) ఆ దేశ డిప్యూటీ అంబాసిడర్ కిమ్ ఐరాస సెక్రటరీ జనరల్ ఆంటానియోకు మంగళవారం ఫోన్ ద్వారా విషయం చెప్పారు.

ప్యోంగ్‌యాంగ్: అమెరికాపై దాడుల ఆలోచనను తాత్కాళికంగా విరమించుకున్నట్లు ప్రకటించిన ఉత్తరకొరియా.. తిరిగి మాట మార్చింది. అమెరికా అసంబద్దమైన అణ్వస్త్ర కార్యకలాపాలు, దాని నుంచి ముప్పు పొంచి ఉన్నన్ని రోజులు రాజీకి వచ్చే ప్రసక్తే లేదని తేల్చి చెప్పింది.

ఈ మేరకు ఉత్తరకొరియాలోని ఐరాస(ఐక్యరాజ్య సమితి) ఆ దేశ డిప్యూటీ అంబాసిడర్ కిమ్ ఐరాస సెక్రటరీ జనరల్ ఆంటానియోకు మంగళవారం ఫోన్ ద్వారా విషయం చెప్పారు. ఉత్తరకొరియా ఐరాస అంబాసిడర్ జా సాంగ్ నామ్ కూడా ప్రస్తుతం ఆ దేశంలోనే ఉన్నారు.

తగ్గేది లేదు:

అమెరికా తన అణ్వస్త్ర పాలసీని కొనసాగించినన్నాళ్లు.. తాము ఆత్మరక్షణలోకి వెళ్లబోమని స్పష్టం కిమ్ ఐరాసకు స్పష్టం చేశారు. దీనిపై స్పందించిన ఆంటానియో.. ఉత్తరకొరియాపై దౌత్య పరంగా ఇది చాతుర్యాన్ని ప్రదర్శించాల్సిన సందర్భం అన్నారు. ఈ విషయం గురించి మాట్లాడటానికి జపాన్, రష్యా, చైనా, అమెరికా, ఉత్తరకొరియా, దక్షిణకొరియాలకు తాను రాయబారిగా అందుబాటులో ఉంటానని తెలిపారు.

పోస్టర్ల కలకలం:

గతంలో అమెరికాపై దాడులు చేసినట్టు వీడియో తయారు చేసిన ఉత్తరకొరియా తాజాగా పోస్టర్లు కలకలం రేపుతున్నట్లు వార్తలు వస్తున్నాయి. ఉత్తరకొరియాను ఇరకాటంలో పెట్టడానికి ఆ దేశంపై ఐరాస విధించిన ఆంక్షలకు ఇలా బదులు తీర్చుకున్నట్లు తెలుస్తోంది.

దాడులను చూపిస్తూ:

ఉత్తరకొరియా క్షిపణులు అమెరికాలోని లక్ష్యాలను చేరుకోగలవని సూచిస్తూ, కొన్ని నగరాలను ధ్వంసం చేస్తున్న పోస్టర్లను రూపొందించి విడుదల చేశారు. ఈ పోస్టర్లపై అమెరికాలోని కొన్ని పట్టణాల పేర్లు, గువామ్ ద్వీపం పేరు పేర్కొనడం గమనార్హం. తమ దేశంపై ఐరాస ఆంక్షలకు ఇదే మా సమాధానం అంటూ అందులో పేర్కొన్నారు.

ఐరాసపై ఆగ్రహంతో..:

అణ్వస్త్ర ప్రయోగాలు, యుద్దం విషయంలో ఉత్తరకొరియాలో మార్పు రాకపోవడంతో ఉత్తరకొరియా మిత్ర దేశమైన చైనాను కూడా ఐరాస హెచ్చరించింది. దీంతో ఆ దేశం నుంచి ఉత్తరకొరియాకు జరుగుతున్న ఎగుమతులు, దిగుమతులు తగ్గిపోయాయి. దీంతో ఐరాసపై గుర్రుగా ఉన్న ఉత్తరకొరియా అమెరికాపై దాడులే ఇందుకు సమాధానం అంటూ బదులిచ్చింది.

English summary

North Korea's nuclear weapons program will never be up for negotiation as long as the U.S. government's "hostile policy and nuclear threat continue," Pyongyang's deputy U.N. ambassador told United Nations Secretary-General Antonio Guterres.