ఉ.కొరియా దారుణం: ద. కొరియా వైపు వెళ్లబోయాడని సొంత సైనికుడిపై 40 రౌండ్ల కాల్పులు
ఉత్తర కొరియాలో దారుణమైన పాలన మరోసారి రుజువైంది. పొరుగు దేశం వైపు వెళ్తున్నాడని సొంత దేశానికి చెందిన సైనికుడినే కాల్చి చంపబోయిన సంఘటన చోటు చేసుకుంది.
ప్యోంగ్యాంగ్: ఉత్తర కొరియాలో దారుణమైన పాలన మరోసారి రుజువైంది. పొరుగు దేశం వైపు వెళ్తున్నాడని సొంత దేశానికి చెందిన సైనికుడినే కాల్చి చంపబోయిన సంఘటన చోటు చేసుకుంది.
సొంత సైనికుడిపై తుపాకీ గుళ్ల వర్షం
ఉత్తర కొరియాకు చెందిన ఓ సైనికుడు దక్షిణ కొరియా సరిహద్దు వైపుకు వెళ్లబోయాడు. ఆ సమయంలో అతనిని సొంత సైన్యం దారుణంగా చంపేందుకు ప్రయత్నించింది. ఆ సైనికుడిపై తోటి సైనికులే తుపాకీ గుళ్ల వర్షం కురిపించారు.
40 రౌండ్ల కాల్పులు జరిపారు
ఈ సంఘటన సోమవారం చోటు చేసుకుంది. సరిహద్దులోని ఓ గ్రామం వద్ద ఓ సైనికుడు తన వాహనంలో దక్షిణ కొరియా వైపు వెళ్లేందుకు ప్రయత్నాలు చేసిన సమయంలో ఇది చోటు చేసుకుంది. అతనిపై దాదాపు నలభై రౌండ్ల కాల్పులు జరిపారు.
అతని పరిస్థితి విషమంగానే ఉంది
దీనిని
గమనించిన
యునైటెడ్
నేషన్స్
కమాండ్
సిబ్బంది
అతడిని
ఆసుపత్రికి
తరలించారు.
శరీరంలోకు
ఆరు
బుల్లెట్లు
వెళ్లాయి.
అతని
పరిస్థితి
విషమంగానే
ఉంది.
తప్పిన పెను ప్రమాదం
కాల్పులు చోటు చేసుకున్న ప్రాంతంలో పర్యాటకులు ఎక్కువగా ఉంటారు. కానీ ఆ సమయంలో ఎవరూ లేకపోవడంతో పెద్ద ప్రమాదం తప్పింది. ఈ కాల్పులపై దక్షిణ కొరియా స్పందిస్తూ.. తమ సైనికులు గాయపడలేదని చెప్పారు.