రోడ్డుపై బైఠాయించిన 18సింహాలు.. భారీ ట్రాఫిక్ జామ్..
అయితే ఇంత భారీ ఎత్తున సింహాల గుంపు రోడ్డు మీదకు రావడానికి కారణమేంటంటే.. ఓ దున్నపోతును వేటాడి.. దాన్ని రోడ్డు మీదకు లాక్కొచ్చిన సింహాలు ఆరగించడం మొదలుపెట్టాయి.
కేప్టౌన్: సింహాలన్ని ఏకమై రాస్తారోకో చేస్తున్నాయా? అన్న తరహాను తలపించేలా కనిపిస్తోన్న ఈ చిత్రం ప్రస్తుతం ఇంటర్నెట్ లో హల్ చల్ చేస్తోంది. దక్షిణాఫ్రికాలోని క్రూగర్ నేషనల్ పార్కులో సందర్శకులకు కనిపించిన దృశ్యమిది.
పార్కును సందర్శించేందుకు వచ్చిన పలువురు రహదారికి అడ్డంగా బైఠాయించిన మృగరాజులను చూసి ఆశ్చర్యపోయారు. దీంతో తమ వాహనాలను పక్కనే నిలిపేసి అవి వెళ్లిపోయేదాకా అక్కడే వేచియున్నారు.
అయితే ఇంత భారీ ఎత్తున సింహాల గుంపు రోడ్డు మీదకు రావడానికి కారణమేంటంటే.. ఓ దున్నపోతును వేటాడి.. దాన్ని రోడ్డు మీదకు లాక్కొచ్చిన సింహాలు ఆరగించడం మొదలుపెట్టాయి. దాదాపు 18సింహాలు కలిసి ఆ దున్నపోతును ఆరగించడంతో.. రోడ్డు మీద వాహనాలు నడవలేని పరిస్థితి.
సువాన్ రైట్ అనే ఓ సందర్శకుడు ఈ సింహాల గుంపును వీడియో తీసి ఇంటర్నెట్ లోకి ఎక్కించాడు. ప్రస్తుతం ఆ వీడియో. ఫోటోలు ఇంటర్నెట్ లో వీక్షకులు ఆకట్టుకుంటున్నాయి.