విమానంలోనే అండర్వేర్ను గాల్లో లేపి ఆమె చేసిందంటే?
ఆంటల్యా: విమానంలో ప్రయాణం చేస్తూ ఓ మహిళ పాల్పడిన ఘటన తోటి ప్రయాణీకులకు షాక్ కల్గించింది. ఈ ఘటన ఫిబ్రవరి 14వ, తేదిన చోటు చేసుకొంది. రష్యా దేశంలో ఈ ఘటన చోటు చేసుకొంది.
రష్యాలోని మాస్కోకు వెళుతున్న ఓ విమానంలో ఓ మహిళ తన చర్యతో తోటి ప్రయాణికులకు షాక్ ఇచ్చింది. ప్రయాణికులతో నిండిపోయిన విమానంలో ఎంచక్కా సీటులో కూర్చొని.. ఆ మహిళ ఓ అండర్వేర్ను ఆరబెట్టింది. ప్రయాణికులందరికీ కనిపించేలా పైన ఉన్న ఏసీగాలి తగిలేలా అండర్వేర్ను ఎత్తిపట్టుకొని ఏసీ గాలి అండర్వేర్కు తగిలేలా కూర్చొంది.
ప్రయాణికులందరూ ఆమె చర్యను చూస్తూ కూర్చొన్నారు.. ఎవరూ ఇదేమిటని ఆమెను ప్రశ్నించలేదు. ఈ నెల 14న టర్కీలోని అంటల్యా నుంచి మాస్కోకు వెళుతున్న యూరల్ ఎయిర్లైన్స్ విమానంలో ఈ ఘటన జరిగింది. ఈ ఘటనను వెనుక సీటులో కూర్చున్న ప్రయాణికుడు రికార్డు చేశాడు.
రష్యాకు చెందిన 'ఫస్ట్ టులా' వెబ్సైట్కు ఇచ్చాడు. ఆ వెబ్సైట్ యూట్యూబ్లో పోస్టు చేయడంతో వెలుగులోకి వచ్చింది. ఏసీ వెంట్ నుంచి గాలి బాగా తగిలేలా పట్టుకొని ఆమె తెల్లరంగు అండర్వేర్ను ఆరబెట్టుకుంది. అయితే, ఆమె వివరాలు తెలియరాలేదు. ఈ ఘటనను చూస్తూ విస్మయపోయానని తోటి ప్రయాణికులు మీడియాతో తెలిపారు.