#Pakistan

ప్రపంచ సంతోషకర దేశాల్లో చైనా, పాకిస్తాన్ కన్నా వెనుకబడిన భారత్; అగ్రస్థానంలో ఫిన్లాండ్!!
#Pakistan

పాకిస్థాన్ జిందాబాద్ నినాదాలు, కాంగ్రెస్ ఎంపీకి నోటీసులు, ఐటీ హబ్ పోలీసుల దెబ్బకు రివర్స్!
#Pakistan

పాకిస్థాన్ జిందాబాద్ నినాదాలు, ముగ్గురికి ముహుర్తం, హోం మంత్రి ఆశ్చర్యం ?
#Pakistan

పాకిస్థాన్ నూతన ప్రధానిగా షెహబాజ్ షరీఫ్, వరుసగా రెండోసారి
#Pakistan

పాకిస్థాన్ జిందాబాద్ నినాదాలు, కాంగ్రెస్ ఎంపీ అనుచరుడు అందర్, కోల్డ్ స్టోరేజ్ లో దాక్కొన్న లీడర్ !
#Pakistan

Canada: కెనడాలో అదృశ్యమవుతున్న పాక్ ఎయిర్‌ హోస్టెస్‌లు.. మిస్టరీగా మిస్సింగ్ కేసులు..!

పాకిస్తాన్: జిన్నా సమాధిని అవమానించిన ఆరోపణలతో మరియం నవాజ్ భర్త కెప్టెన్ సఫ్దర్ అరెస్ట్

By Bbc Telugu

| Updated: Monday, October 19, 2020, 14:21 [IST]

స్థానిక పోలీసులు కరాచీలో తాము ఉన్న హోటల్లో చొరబడ్డారని, తన భర్త కెప్టెన్(రిటైర్డ్) సఫ్దర్‌ను అరెస్ట్ చేశారని కాసేపటి క్రితం పాకిస్తాన్ ముస్లిం లీగ్(నవాజ్) పార్టీ నేత మరియం నవాజ్ ట్వీట్ ద్వారా తెలిపారు.

కాయద్-ఎ-ఆజం సమాధికి, ప్రభుత్వ ఆస్తులకు నష్టం కలిగించారనే ఆరోపణలతో కెప్టెన్ సఫ్దర్, మరియం నవాజ్ సహా 200 మందిపై కేసు నమోదు చేశారని ఎఫ్ఐఆర్‌లో ఉంది.

https://twitter.com/MaryamNSharif/status/1318010542771109888

దానితోపాటూ మహమ్మద్ అలీ జిన్నా సమాధిని వీరు అవమానించారని కూడా ఆరోపణలు నమోదు చేశారు.

కెప్టెన్ సఫ్దర్‌ను బ్రిగేడ్ పోలీస్ స్టేషన్‌కు తరలించారు. అహ్మద్ ఖాన్ అనే వ్యక్తి ఫిర్యాదుతో వీరిపై కేసు నమోదు చేశారు.

దీనికి సంబంధించి మరియం నవాజ్ ఒక వీడియో కూడా రీ-ట్వీట్ చేశారు. అందులో హోటల్‌లో తమ గదిలో విధ్వంసం సృష్టించారని చెప్పారు.

అంతకు ముందు, ఆదివారం ప్రభుత్వ వ్యతిరేక 11 పార్టీల కూటమి పీడీఎం కరాచీలోని జిన్నా బాగ్‌లో ఒక సభ నిర్వహించింది. ఈ సభలో పాల్గొనడానికి వచ్చిన మరియం నవాజ్, కెప్టెన్ సఫ్దర్ కరాచీలోనే ఉన్నారు.

దీనిపై స్పందించిన పాకిస్తాన్ కేంద్ర మంత్రి చౌధరి ఫవాద్ హుసేన్ ఒక ట్వీట్ చేశారు. చట్టాన్ని గౌరవించడానికి కెప్టెన్ సఫ్దర్ అరెస్ట్ ఒక ఉదాహరణ అన్నారు.

ఆయన తన ట్వీట్‌లో “కాయద్-ఎ-ఆజం మహమ్మద్ అలీ జిన్నా సమాధి. ఆయన సమాధి నీచ రాజకీయాలు చేసే చోటు కాదు. ఇది ప్రతి పాకిస్తానీకి పవిత్ర స్థలం. కాయద్-ఎ-ఆజం దగ్గర నిరసనలు, నినాదాలు చేయడం, బాధ్యతా రహిత చర్యలకు పాల్పడ్డం చట్టవిరుద్ధం. దీనికి శిక్ష పడాల్సిందే” అన్నారు.