పాకిస్తాన్: జిన్నా సమాధిని అవమానించిన ఆరోపణలతో మరియం నవాజ్ భర్త కెప్టెన్ సఫ్దర్ అరెస్ట్
స్థానిక పోలీసులు కరాచీలో తాము ఉన్న హోటల్లో చొరబడ్డారని, తన భర్త కెప్టెన్(రిటైర్డ్) సఫ్దర్ను అరెస్ట్ చేశారని కాసేపటి క్రితం పాకిస్తాన్ ముస్లిం లీగ్(నవాజ్) పార్టీ నేత మరియం నవాజ్ ట్వీట్ ద్వారా తెలిపారు.
కాయద్-ఎ-ఆజం సమాధికి, ప్రభుత్వ ఆస్తులకు నష్టం కలిగించారనే ఆరోపణలతో కెప్టెన్ సఫ్దర్, మరియం నవాజ్ సహా 200 మందిపై కేసు నమోదు చేశారని ఎఫ్ఐఆర్లో ఉంది.
https://twitter.com/MaryamNSharif/status/1318010542771109888
దానితోపాటూ మహమ్మద్ అలీ జిన్నా సమాధిని వీరు అవమానించారని కూడా ఆరోపణలు నమోదు చేశారు.
కెప్టెన్ సఫ్దర్ను బ్రిగేడ్ పోలీస్ స్టేషన్కు తరలించారు. అహ్మద్ ఖాన్ అనే వ్యక్తి ఫిర్యాదుతో వీరిపై కేసు నమోదు చేశారు.
దీనికి సంబంధించి మరియం నవాజ్ ఒక వీడియో కూడా రీ-ట్వీట్ చేశారు. అందులో హోటల్లో తమ గదిలో విధ్వంసం సృష్టించారని చెప్పారు.
అంతకు ముందు, ఆదివారం ప్రభుత్వ వ్యతిరేక 11 పార్టీల కూటమి పీడీఎం కరాచీలోని జిన్నా బాగ్లో ఒక సభ నిర్వహించింది. ఈ సభలో పాల్గొనడానికి వచ్చిన మరియం నవాజ్, కెప్టెన్ సఫ్దర్ కరాచీలోనే ఉన్నారు.
దీనిపై స్పందించిన పాకిస్తాన్ కేంద్ర మంత్రి చౌధరి ఫవాద్ హుసేన్ ఒక ట్వీట్ చేశారు. చట్టాన్ని గౌరవించడానికి కెప్టెన్ సఫ్దర్ అరెస్ట్ ఒక ఉదాహరణ అన్నారు.
ఆయన తన ట్వీట్లో “కాయద్-ఎ-ఆజం మహమ్మద్ అలీ జిన్నా సమాధి. ఆయన సమాధి నీచ రాజకీయాలు చేసే చోటు కాదు. ఇది ప్రతి పాకిస్తానీకి పవిత్ర స్థలం. కాయద్-ఎ-ఆజం దగ్గర నిరసనలు, నినాదాలు చేయడం, బాధ్యతా రహిత చర్యలకు పాల్పడ్డం చట్టవిరుద్ధం. దీనికి శిక్ష పడాల్సిందే” అన్నారు.
ఇవి కూడా చదవండి:
- వీరప్పన్: గంధపు చెక్కల స్మగ్లర్ కేసుల్లో 31 ఏళ్లుగా శిక్ష అనుభవిస్తున్నవారి కథేమిటి.. వీరప్పన్ నేరాల్లో వారి పాత్రేమిటి
- మాట వినకపోతే గాడిదలతో రేప్ చేయించేవారు!
- పీరియడ్స్ సమయంలో సెక్స్ తప్పా? ఒప్పా?
- కరోనావైరస్ ఇంతలా పెరగడానికి ఎవరు కారణం.. గబ్బిలాలా? మనుషులా?
- కరోనావైరస్ వ్యాక్సీన్: వందేళ్ల నాటి ఈ టీకా మందు కోవిడ్-19 నుంచి కాపాడుతుందా?
- కరోనావైరస్: కరెన్సీ నోట్లు, ఫోన్ స్క్రీన్లపై '28 రోజుల వరకూ బతుకుతుంది'
- దళితులపై దాడులు: ఎన్ని చట్టాలు ఉన్నా ఈ అఘాయిత్యాలు ఎందుకు ఆగడం లేదు? లోపం చట్టాలదా? వ్యక్తులదా?
- కోవిడ్-19 టీకా కోసం ప్రపంచమంతా భారత్ వైపు ఎందుకు చూస్తోంది?
- మద్యం తాగేవాళ్లు తమ భార్యలు, గర్ల్ఫ్రెండ్స్ను హింసించే అవకాశం 'ఆరు రెట్లు ఎక్కువ’
- ఇంట్లోనే ఉంటున్నప్పుడు.. గొడవలు, ఘర్షణలు లేకుండా కుటుంబ సభ్యులతో గడపడం ఎలా?
- ఇదో బానిసల మార్కెట్... వేలాది మహిళలను ఆన్లైన్లో అమ్మేస్తున్నారు: బీబీసీ రహస్య పరిశోధన
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)