దేవుడా..: రెప్పపాటులో తప్పిన ప్రమాదం, ఆడి కారు పల్టీల నుంచి తప్పించుకొన్న బాటసారి.
భూమి మీద నూకలు ఉండాలే గానీ ఎంత పెద్ద ప్రమాదం నుంచి అయినా తప్పించుకోగలుగుతారు. ప్రమాదం అంటే గాయాలతో కాకుండా.. రెప్పపాటులో ప్రమాదం నుంచి మిస్సయిన ఘటనలు చాలా తక్కువ. బ్రిటన్లోని వెస్ట్ యార్క్ షైర్లో కూడా అలాంటి ఘటనే జరిగింది. శనివారం రాత్రి జరిగిన ప్రమాదానికి సంబంధించి విజువల్స్ ఒళ్లు గగుర్పొడుస్తున్నాయి.
వెస్ట్ యార్క్ షైర్లో శనివారం రాత్రి 8 గంటల సమయంలో ఓ ట్రక్కు వెళ్తుంది. అయితే అటుగా వచ్చిన ఆడి కారు ట్రక్కును ఢీ కొని పల్టీలు కొట్టింది. అయితే అదే సమయంలో ఒకతను ఆ మార్గంలో వెళ్తున్నాడు. వెనకాల కారు పల్టీలు కొట్టడంతో గుండె ఆగినంత పనయిపోయింది. షాపింగ్ చేసిన కవర్ కూడా వదిలి.. దేవుడా అంటూ పరుగెత్తాడు.
రోడ్డుపై నడుస్తోన్న పాదచారుడు గుండెలు బిగపట్టుకొని మరీ పరుగుతీశాడు. ప్రమాదం నుంచి తప్పించుకోవడంతో ఊపిరి పీల్చుకున్నాడు. ప్రమాదానికి సంబంధించిన వీడియోను సోషల్ మీడియోలో పోస్ట్ చేయడంతో నెటిజన్లు ఏకీపారేశారు. ఆడి కారు డ్రైవర్పై తిట్ల వర్షం కురిపించారు. మతిలేకుండా కారు నడిపారా అని మండిపడ్డారు.
Recommended Video
కారు డ్రైవర్ ఇడియట్ అని కింబర్లీ ఈవ్ సావేజ్ పోస్ట్ చేశారు. కారులో ఉన్నది మనిషి కాదు అని పీటర్ పోస్ట్ చేశారు. మతిస్థిమితం లేకపోవడంతోనే కారు డ్రైవర్ ఇలా ప్రవర్తించాడని ముర్తాజా నబీ రాశారు. కానీ చాలా మంది మాత్రం పాదచారుడు ప్రమాదాన్ని నుంచి తప్పించుకోవడంపై ప్రస్తావించారు. ఆ దేవుడి దయవల్ల తప్పించుకున్నాడని పేర్కొన్నారు.