డ్రంక్ అండ్ డ్రైవ్ నుంచి తప్పించుకోవడానికి బ్రిడ్జి పైనుంచి దూకాడు (వీడియో)
బీజింగ్: చైనాలో ఓ ఆసక్తికర సంఘటన జరిగింది. డ్రంక్ అండ్ డ్రైవ్ టెస్ట్ నుంచి తప్పించుకునేందుకు ఓ వ్యక్తి ఏకంగా ప్లై ఓవర్ బ్రిడ్జి నుంచి కిందకు దూకి, గాయాలపాలయ్యాడు. అతను తెలివిలోనే (పూర్తి మద్యం మత్తులో లేడు) ఉన్నాడు. కాబట్టి డ్రంక్ అండ్ డ్రైవ్ టెస్ట్లో దొరికే అవకాశాలు తక్కువగా ఉన్నాయి. కానీ అతను బ్రిడ్జి పై నుంచి దూకాడు.
ఈ సంఘటన చైనా జింగ్సూ ప్రావిన్స్లోని జుజో నగరంలో జరిగింది. ఈ వీడియో వైరల్ అవుతోంది. వీడియోలో.. కారును నడుపుకుంటూ ఓ డ్రైవర్ బ్రిడ్జి పై నుంచి వస్తున్నాడు. ముందు ఎక్కడో ఓ చోట పోలీసులు డ్రంక్ అండ్ డ్రైవ్ టెస్ట్ చేస్తుండగా గమనించాడు.
దీంతో అతను వెంటనే కారు దిగాడు. బ్రిడ్జి పెద్దదిగా ఉంది. బ్రిడ్జి అటు వైపు నుంచి మరో వైపుకు వచ్చాడు. మరోవైపు కార్లు వెళ్తుంటే వాటిని ఆపే ప్రయత్నం చేశాడు. ఎవరూ ఆపలేదు. దీంతో అతను బ్రిడ్జి పై నుంచి దూకాడు. ఈ ఘటనలో అతనికి గాయాలయ్యాయి.