ఉత్తరకొరియా 'పండగ' చేసుకుంది: క్షిపణి 'సక్సెస్'తో పార్టీ మూడ్లో కిమ్
ఖండాంతర క్షిపణుల విజయంతో ఆ దేశ అధ్యక్షుడు కిమ్ జాంగ్ గాల్లో తేలిపోతున్నారు. దాని తయారీ వెనుక కృషి చేసిన వారందరికీ ఇటీవలే ఓ పెద్ద పార్టీ కూడా ఇచ్చారట.
టోక్యో: ఉత్తరకొరియా క్షిపణి ప్రయోగాలు ప్రపంచ దేశాలకు దడ పుట్టిస్తుంటే.. ఆ దేశాధ్యక్షుడు మాత్రం సంబరాలు జరుపుకుంటున్నారు. తాజాగా అమెరికా స్వాతంత్ర్య దినోత్సవం రోజునే ఉత్తరకొరియా మరో బాలిస్టిక్ క్షిపణిని ప్రయోగించడం.. అది విజయవంతమవడం తెలిసిందే.
ఉత్తరకొరియాతో గండమే?: ముక్కలు చేస్తామని హెచ్చరిక.. పుతిన్ ఇలా!
ఖండాంతర క్షిపణుల విజయంతో ఆ దేశ అధ్యక్షుడు కిమ్ జాంగ్ గాల్లో తేలిపోతున్నారు. దాని తయారీ వెనుక కృషి చేసిన వారందరికీ ఇటీవలే ఓ పెద్ద పార్టీ కూడా ఇచ్చారట. పాప్ మ్యూజిక్ను ఆస్వాదిస్తూ పార్టీకి హాజరైనవారు డ్యాన్సులు కూడా చేసినట్లు చెబుతున్నారు.
ఉత్తరకొరియా సెంట్రల్ ఏజెన్సీ న్యూస్ ఈ కథనాన్ని వెలువరించింది. అంతేకాదు, క్షిపణి ప్రయోగాన్ని ఆ దేశం జాతి విజయంగా భావిస్తుందంటూ అక్కడి మీడియా పేర్కొనడం గమనార్హం. పాప్ మ్యూజిక్ లో భాగంగా.. కన్సర్ట్ లో సాంగ్ ఆఫ్ హ్వాసంగ్ రాకెట్, మేక్ అదర్స్ ఎన్వీ అజ్ అనే గీతాలను కూడా ప్లే చేసినట్లు తెలిపింది.
కన్సర్ట్ లో డ్యాన్స్ చేసేందుక ప్రత్యకంగా మహిళల బ్యాండ్ ను సైతం కిమ్ జాంగ్ ఎంపిక చేశారట. గతంలో ఎన్నడూ లేనివిధంగా కిమ్ జాంగ్ ఇలా పార్టీ ఇవ్వడంపై ఆ దేశంలో చర్చ జరుగుతోంది.